កូរ៉េខាងត្បូង៖ ទីស្នាក់ការកណ្តាលនៃការប្រឆាំងគ្រោះមហន្តរាយ និងសុវត្ថិភាព (CDSCH) បាននិយាយកាលពីថ្ងៃសុក្រ បាននិយាយថា ភ្លើងឆេះព្រៃនៅទូទាំង North Gyeongsang, South Gyeongsang និង Ulsan ត្រូវបានបញ្ជាក់បានខូចខាតទ្រព្យសម្បត្តិចំនួន ១,០៨១ ពាន់ពាន់លានវ៉ុន (៧៦៥,៩ លានដុល្លារ) ដោយរដ្ឋាភិបាលបានបែងចែកថវិកាចំនួន ១,៨៨១ ពាន់ពាន់លានវ៉ុន នេះយោងតាមការចេញផ្សាយពីគេហទំព័រ koreajoongangdaily។
ភ្លើងឆេះព្រៃកាលពីពេលថ្មីៗនេះបានបណ្តាលឲ្យមនុស្សស្លាប់ ២៧ នាក់ និងមនុស្សរបួស ១៥៦នាក់ ក្នុងនោះមនុស្ស១៨៣នាក់រងគ្រោះ ។ ភ្លើងក៏បានបំផ្លាញព្រៃឈើចំនួន ២៥៦,៩៨៩ហិចតា ជាតំបន់ដ៏ធំបំផុតដែលបានបាត់បង់ចាប់តាំងពីស្ថិតិនៃការខូចខាតភ្លើងឆេះព្រៃបានចាប់ផ្តើមនៅឆ្នាំ ១៩៨៧ ។
ការខូចខាតទ្រព្យសម្បត្តិឯកជនរួមមានផ្ទះចំនួន ៣.៨៤៨ ខ្នង សម្ភារៈកសិកម្ម និងនេសាទចំនួន ៦.១០៦ គ្រឿង ឧបករណ៍កសិកម្ម ១៧ ១៥៨ ដុំ និងដំណាំ និងផលព្រៃឈើចំនួន ៨.៤៤៨ ហិចតា។ ការខូចខាតហេដ្ឋារចនាសម្ព័ន្ធសាធារណៈបានអូសបន្លាយ ៧៦៩ករណី រួមមានតំបន់បេតិកភណ្ឌជាតិ ប្រាសាទបុរាណ និងប្រព័ន្ធផ្លូវ។
ជាការឆ្លើយតប រដ្ឋាភិបាលកូរ៉េខាងត្បូងបានដាក់ចេញនូវផែនការផ្តល់ជំនួយសង្គ្រោះដោយភ្លើងឆេះព្រៃ ដើម្បីផ្តល់លំនៅឋានស្ថិរភាពសម្រាប់អ្នកដែលផ្លាស់ទីលំនៅ និងជួយសហគមន៍ដែលរងផលប៉ះពាល់អាចរស់ឡើងវិញបានយ៉ាងឆាប់រហ័ស។ ថវិកាសង្គ្រោះនេះ គឺជាចំនួនដ៏ធំបំផុតដែលមិនធ្លាប់មានដែលបានបម្រុងទុកសម្រាប់ការស្ដារភ្លើងឆេះព្រៃ ក្នុងប្រទេសកូរ៉េ ច្រើនជាង៤ដងនៃចំនួន ៤១៧ ពាន់លានវ៉ុនបានបម្រុងទុកបន្ទាប់ពីភ្លើងឆេះព្រៃឆ្នាំ ២០២២ នៅតាមបណ្តោយឆ្នេរខាងកើតនៃ North Gyeongsang និង Gangwon ។
ផែនការនេះរួមបញ្ចូលទាំងប្រាក់ឧបត្ថម្ភ និងថ្លៃបុណ្យសពសម្រាប់គ្រួសារអ្នកស្លាប់ ព្រមទាំងសំណងសម្រាប់មន្ត្រីសាធារណៈ និងបុគ្គលិកពន្លត់អគ្គិភ័យដែលបានស្លាប់ក្នុងជួរបំពេញកាតព្វកិច្ចស្របតាមច្បាប់ពាក់ព័ន្ធ។ សម្រាប់ផ្ទះដែលត្រូវបានបំផ្លាញដោយភ្លើងឆេះទាំងស្រុង រដ្ឋាភិបាលនឹងផ្តល់ប្រាក់អប្បបរមាចំនួន ១០០លានវ៉ុនក្នុងមួយគ្រួសារ ដោយរួមបញ្ចូលការឧបត្ថម្ភធនដែលមានស្រាប់ ជំនួយបន្ថែម និងការបរិច្ចាគឯកជន។ ការចំណាយពេញលេញសម្រាប់ការរុះរើ និងការយកសំរាមចេញនឹងត្រូវរ៉ាប់រងដោយថវិកាជាតិ៕
