ភ្ញៀវទេសចររុស្ស៊ី ៧ នាក់ ចូលមន្ទីរពេទ្យនៅប្រទេសថៃ បន្ទាប់ពីញ៉ាំផ្លែឈើព្រៃ ក្នុងសួនឧទ្យានមួយកន្លែង

ថៃ៖ នេះបើយោង តាមសេចក្តីរាយការណ៍ ពីប្រព័ន្ធផ្សព្វផ្សាយក្នុងស្រុក បានប្រាប់ឲ្យដឹងថា អ្នកទេសចរជនជាតិរុស្សី ៧នាក់បានធ្លាក់ខ្លួនឈឺ បន្ទាប់ពីបានបរិភោគផ្លែឈើព្រៃ អំឡុងពេលទៅលេងឧទ្យាន ភាគខាងត្បូងប្រទេសថៃ ដោយ ៥នាក់ត្រូវបានបញ្ជូនទៅមន្ទីរពេទ្យ យោងតាមការចេញ ផ្សាយពីគេហទំព័រ VN Express ។

នេះបើយោងតាមកាសែត Bangkok Post បាននិយាយថា ក្រុមនេះកំពុងទៅលេងឧទ្យាន Khao Na Nai Luang Dharma ក្នុងខេត្ត Surat Thani កាលពីថ្ងៃទី ៥ ខែឧសភា នៅពេលពួកគេទទួលទាន ផ្លែឈើដែលដុះនៅតំបន់នោះ បន្តិចក្រោយមក ពួកគេចាប់ផ្តើមមានរោគសញ្ញាដូចជា ឈឺទ្រូង និងក្អួត ។

Khaosod English បានរាយការណ៍ថា សេវាសង្គ្រោះបន្ទាន់ ត្រូវបានហៅទៅកាន់កន្លែងកើតហេតុ ហើយអ្នកទេសចរ៥នាក់ បានយល់ព្រមដឹក ទៅមន្ទីរពេទ្យ ក្បែរនោះដើម្បីព្យាបាល ។ ២នាក់ ដែលនៅសល់បានបដិសេធ ការយកចិត្តទុកដាក់ ខាងវេជ្ជសាស្ត្រ។

ប៉ូលីសបាននិយាយថា ក្រុមនេះបានធ្វើដំណើរ ទៅកាន់សួនឧទ្យាន ក្នុងរថយន្តជួលពី Khao Lak ក្នុងខេត្ត Phanngga ។ អាជ្ញាធរកំពុងស៊ើបអង្កេតថា តើរោគសញ្ញានេះបណ្តាល មកពីជាតិពុលឬយ៉ាងណា៕