ថៃ ៖ នេះបើយោងតាមមជ្ឈមណ្ឌលព័ត៌មាន Covid-19 របស់ប្រទេសនេះ បានប្រាប់ឲ្យដឹងថា ករណីមេរោគ Covid-19 បានកើនឡើងក្នុងប្រទេសថៃ ជាមួយនឹងការឆ្លងសរុបចំនួន ៧១,០៦៧ និង មានអ្នកស្លាប់ចំនួន ១៩ នាក់ដែលត្រូវបានរាយការណ៍ នៅចន្លោះថ្ងៃទី ១ ខែមករាដល់ថ្ងៃទី ១៤ ខែឧសភា យោងតាមការចេញផ្សាយពីគេហទំព័រ VN Express ។
ចំនួនករណីនៅតែបន្តកើនឡើង ជាមួយនឹងការផ្ទុះចង្កោម សំខាន់ៗចំនួន ២ ត្រូវបានកំណត់អត្តសញ្ញាណ។ ការកើនឡើងនេះ កើតឡើង បន្ទាប់ពីរយៈពេលឈប់ សម្រាកបុណ្យសង្ក្រាន្ត (សប្តាហ៍ទី ១៦) ក្នុងអំឡុងពេល នោះចំនួនករណី បានកើនឡើងជាលំដាប់។
ទិន្នន័យពីនាយកដ្ឋាន វិទ្យាសាស្ត្រវេជ្ជសាស្ត្របង្ហាញ ពីវត្តមានកើនឡើងនៃវ៉ារ្យ៉ង់ Omicron XEC ក្នុងប្រទេសថៃក្នុងអំឡុង ខែមករា និងកុម្ភៈ ។ អាជ្ញាធរបានជំរុញឲ្យសាធារណជន បន្តប្រុងប្រយ័ត្ន តាមដានរោគសញ្ញា លាងដៃឲ្យបានញឹកញាប់ និងពាក់ម៉ាស់នៅកន្លែង មានមនុស្សកកកុញ។
វ៉ារ្យ៉ង់ XEC គឺជាប្រភេទ Omicron ដែលទើបនឹងលេចចេញថ្មី ត្រូវបានកំណត់អត្តសញ្ញាណដំបូង ក្នុងប្រទេសអាល្លឺម៉ង់កាលខែមិថុនា ឆ្នាំ ២០២៤ ។ វាគឺជាកូនកាត់នៃប្រភេទរង ២ គឺ KS.1.1(FLiRT) និង KP.3.3 (FLuQE) ។ XEC អនុវត្តការផ្លាស់ប្តូរ ជាច្រើនដែលធ្វើឲ្យមានការបញ្ជូនលឿនជាងមុន ហើយឥឡូវនេះវាត្រូវបានគេរក ឃើញក្នុងប្រទេសយ៉ាងហោចណាស់ ១៥ នៅទូទាំងទ្វីបអឺរ៉ុប អាមេរិកខាងជើង និងអាស៊ី។
លំដាប់ហ្សែនជាង ៥៥០ មកពី ២៧ ប្រទេសត្រូវបានចងក្រងជាឯកសារ។ ទិន្នន័យពីអាមេរិក ចក្រភពអង់គ្លេស និងចិនបង្ហាញថា XEC រីករាលដាល ៨៤-១១០ ភាគរយលឿនជាងប្រភេទរង Omicron ផ្សេងទៀត ដែលបង្កើតបាន ១០-២០ ភាគរយនៃការឆ្លងថ្មីក្នុងតំបន់មួយចំនួន៕
