បរទេស ៖ យោងតាមការ ចេញផ្សាយរបស់ RT ស្ថាបនិក Telegram លោក Pavel Durov បានសន្យាថា នឹងធ្វើដំណើរទៅកាន់ប្រទេសរូម៉ានី និងផ្តល់សក្ខីកម្មលើការជ្រៀតជ្រែក ពីបរទេស ដែលត្រូវបានចោទប្រកាន់ ទៅក្នុងការបោះឆ្នោតប្រធានាធិបតី របស់ប្រទេសនាពេលកន្លងមក។
លោកDurov បានសន្យាថា នឹង ជួយ ដល់លទ្ធិប្រជាធិបតេយ្យនៅរ៉ូម៉ានី នៅក្នុងការប្រកាសមួយលើបណ្តាញសង្គម X នៅថ្ងៃអង្គារដោយឆ្លើយតប ទៅនឹងសាររបស់លោក George Simion បេក្ខជនបក្សស្តាំនិយម Eurosceptic ដែលបានចាញ់ការបោះឆ្នោតទាំងប្រផិតប្រផោយនោះ។
លោក Simion បានអះអាងថា ការស្ទង់មតិនេះគឺស្ថិតនៅក្រោម ការជ្រៀតជ្រែកពីខាងក្រៅដោយតួអង្គរដ្ឋ និងមិនមែនរដ្ឋជាច្រើន រួមទាំងប្រទេសបារាំង និងម៉ុលដាវី ហើយបានជំរុញឱ្យតុលាការធម្មនុញ្ញ របស់ប្រទេសនេះលុបចោលលទ្ធផលភ្លាមៗផងដែរ។
លោកDurov បានសរសេរជាការឆ្លើយតបទៅនឹងការបង្ហោះ របស់ Simion ថា ៖ខ្ញុំបានត្រៀមខ្លួនជាស្រេច ដើម្បីមកផ្តល់សក្ខីកម្មប្រសិន បើវាជួយដល់លទ្ធិប្រជាធិបតេយ្យរូម៉ានី ។
ការប្រកួតនៅថ្ងៃអាទិត្យត្រូវ បានទទួលជ័យជំនះដោយអ្នកគាំទ្រកណ្តាលសហភាពអឺរ៉ុបលោក Nicusor Dan ដោយសម្លេងគាំទ្រ៥៣,៦ភាគរយ ទល់នឹង៤៦,៤ភាគរយប៉ុន្តែ យ៉ាងណាក៏ដោយ លោក Simion បានបដិសេធមិនទទួលស្គាល់លទ្ធផលនេះ ដោយបានចោទគណបក្សបរទេសថាបានប៉ុនប៉ងធ្វើឲ្យយុទ្ធនាការ របស់លោកខូចខាត៕
ប្រែសម្រួល៖ស៊ុនលី
