សិង្ហបុរី៖យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា បុរសជនជាតិថៃអាយុ ៥៤ ឆ្នាំម្នាក់ត្រូវបានកាត់ទោសឲ្យជាប់ពន្ធនាគាររយៈពេល ១០ ថ្ងៃនៅប្រទេសសិង្ហបុរី បន្ទាប់ពីព្យាយាមសូកប៉ាន់មន្ត្រីប៉ូលីសជំនួយចំនួន ២ នាក់ជាមួយនឹងប្រាក់ ៧ ដុល្លារសិង្ហបុរី (៥.៤៣ ដុល្លារអាមេរិក) ដើម្បីជៀសវាងការដាក់ទណ្ឌកម្មចំពោះការនោមជាសាធារណៈ។
CNA បានរាយការណ៍ថា នៅពេលមានការទាក់ទងទៅមន្ត្រី Ong Seng Hock និងលោក Prabakar Hisparan ដែលកំពុងដើរល្បាតរបស់ទីភ្នាក់ងារបរិស្ថានជាតិ គាត់បានព្យាយាមដោះស្រាយបញ្ហានេះដោយទទួលសំណូកជាសាច់ប្រាក់។
ទោះបីជាមានការបដិសេធជាច្រើនដងក៏ដោយ លោក Nanjaijumpa នៅតែបន្ត ហើយថែមទាំងបានទម្លាក់លុយទៅក្នុងកាបូបស្ពាយរបស់មន្ត្រីម្នាក់ទៀត។ មន្ត្រីដែលធ្វើការឲ្យក្រុមហ៊ុនសន្តិសុខ Certis Cisco បានច្រានចោលការផ្តល់ជូននេះម្តងទៀត ហើយបានជូនដំណឹងដល់ប៉ូលីស។ លោក Nanjaijumpa ត្រូវបានចាប់ខ្លួននៅនឹងកន្លែង។
លោកបានសារភាពទោសកំហុសកាលពីថ្ងៃទី២ មិថុនា ពីបទពុករលួយ។ ថ្លែងតាមរយៈអ្នកបកប្រែជនជាតិថៃ និងគ្មានតំណាងផ្លូវច្បាប់ លោកបានសុំទោសនៅតុលាការ និងបានប្តេជ្ញាថានឹងមិនប្រព្រឹត្តល្មើសទៀតទេ។
នៅប្រទេសសិង្ហបុរី ការសូកប៉ាន់មន្ត្រីសាធារណៈគឺជាឧក្រិដ្ឋកម្មធ្ងន់ធ្ងរដែលផ្តន្ទាទោសដាក់ពន្ធនាគារអតិបរមាប្រាំឆ្នាំ និងពិន័យជាប្រាក់រហូតដល់ ១០០ ,000 ដុល្លារសិង្ហបុរី៕
