បុរសជនជាតិចិនម្នាក់ ដាច់រលាត់រន្ធគូថប្រវែង ១៣ សង់ទីម៉ែត្រ បន្ទាប់ពីចំណាយពេល ២ ម៉ោងអង្គុយលើបង្គន់ លេងទូរស័ព្ទ

ចិន ៖ យោងតាមការចេញផ្សាយ ពីគេហទំព័រ VN Express បានប្រាប់ឲ្យដឹងថា បុរសជនជាតិចិនម្នាក់អាយុ ៣៣ ឆ្នាំម្នាក់នៅទីក្រុង Zhengzhou ខេត្ត Henan ប្រទេសចិន បានទទួលរងនូវការដាច់រលាត់ នៃរន្ធគូថ ១៣ សង់ទីម៉ែត្រ បន្ទាប់ពីលោកចំណាយពេល ២ ម៉ោងមើលវីដេអូនៅលើទូរស័ព្ទ របស់លោកពេលកំពុងប្រើប្រាស់បង្គន់។

HK01 បានរាយការណ៍ កាលពីថ្ងៃចន្ថា លោក Gao Zongyue អ្នកឯកទេសខាងពោះវៀនធំ នៅមន្ទីរពេទ្យឱសថបុរាណចិន ខេត្ត Henan បាននិយាយថា អ្នកជំងឺបានមកដល់មន្ទីរពេទ្យ ដោយត្អូញត្អែរពីការឈឺពោះធ្ងន់ធ្ងរ និងមានឈាមក្នុងលាមក។

នៅពេលពិនិត្យរួច គ្រូពេទ្យបានបញ្ជាក់ថា លោកមានការរីករាលដាល នៃរន្ធគូថថ្នាក់ទី៣ ជាកម្រិតធ្ងន់ធ្ងរបំផុត ជាមួយនឹងផ្នែកនៃពោះវៀនដែលលាតសន្ធឹង ១៣ សង់ទីម៉ែត្រពីរាងកាយរបស់លោក។ ដោយគ្មានការវះកាត់ភ្លាមៗ អ្នកជំងឺអាចជួបប្រទះនឹងការកន្ត្រាក់ម្តងហើយម្តងទៀត នៅពេលលោកក្អក ឬហៀរសំបោរ។

នេះបើយោងតាមសារព័ត៌មាន United Daily News ថា វេជ្ជបណ្ឌិត Gao បានសួរអំពីប្រវត្តិវេជ្ជសាស្រ្តរបស់បុរសនោះ ហើយបានដឹងថា គាត់បានចំណាយ ពេលយូរក្នុងការមើលវីដេអូខ្លីៗនៅលើទូរស័ព្ទដៃរបស់គាត់ ខណៈពេលកំពុងអង្គុយ នៅលើបង្គន់ ជួនកាលលើសពី ២ ម៉ោង។

លោក Zhang Shengwei ប្រធាននាយកដ្ឋានវះកាត់ទូទៅ (Proctology) នៅមន្ទីរពេទ្យប្រជាជន Zhengzhou បានព្រមានថា ការប្រើប្រាស់បង្គន់យូរអាច បណ្តាលឲ្យមានបញ្ហាសុខភាពផ្សេងៗ។ ទីមួយ ការរក្សាជំហរអង្គុយក្នុង រយៈពេលយូរអាចបង្ក ឲ្យមានការកកស្ទះរន្ធគូថ ។ ការសិក្សាបានបង្ហាញថា ការអង្គុយលើសពី ៣ នាទីអាចនាំឲ្យមាន ការកកស្ទះសរសៃ ឈាមក្នុងរន្ធគូថ ដែលអាចបណ្តាលឱ្យកើតឬសដូងបាត។

បន្ថែមពីលើនេះ លោក Zhang បានពន្យល់ប្រាប់ United Daily News ថា ការកកស្ទះរន្ធគូថអាចបំភាន់ ប្រព័ន្ធសរសៃប្រសាទ បញ្ជូនសញ្ញាមិនពិត ទៅកាន់ខួរក្បាល ទាក់ទងនឹងតម្រូវការ ក្នុងការបន្ទោរបង់ ដែលបណ្តាលឲ្យមានអារម្មណ៍ឆ្អែត ។ ការរំខានដោយទូរសព្ទដៃអំឡុង ពេលប្រើប្រាស់បង្គន់ អាចធ្វើឲ្យចលនាពោះវៀន កាន់តែស្មុគស្មាញ ដោយការបង្វែរការយកចិត្តទុកដាក់អាចបណ្តាល ឲ្យមានការពន្យារពេល ឬខកខានការជម្រុញ និងនាំឲ្យទល់លាមក៕