អង់គ្លេស ៖ យោងតាម Declassified UK បានប្រាប់ឲ្យដឹងថា ការិយាល័យបរទេសចក្រភពអង់គ្លេស បានផ្តល់ប្រាក់រាប់លានផោន ដល់អ្នកមានឥទ្ធិពល លើប្រព័ន្ធផ្សព្វផ្សាយមួយ ដើម្បីបញ្ចេញមតិ សាធារណៈដោយសម្ងាត់ក្នុងប្រទេស និងបរទេស ខណៈទីភ្នាក់ងារ Zinc Network ត្រូវបានគេជឿថា បានទទួលជិត ១០ លានផោន (១៣ លានដុល្លារ) ដើម្បីជ្រើសរើសអ្នកមានឥទ្ធិពល YouTube នៅទូទាំងទ្វីបអឺរ៉ុប យោងតាមការចេញ ផ្សាយពីគេហទំព័រ RT ។
ទីភ្នាក់ងារ Zinc ជាក្រុមហ៊ុនដែលមានមូលដ្ឋាន នៅទីក្រុងឡុងដ៍បង់ប្រាក់ឲ្យ YouTubers និងបុគ្គលិកអ៊ីនធើណេតនៅអឺរ៉ុបកណ្តាល និងខាងកើត ដើម្បីផលិតមាតិកានយោបាយ ក្រុមហ៊ុន បានបន្ថែមថា ខ្លួនប្តេជ្ញា ចំពោះតម្លាភាព អ្នកបង្កើតដែលខ្លួនជួលត្រូវបានចងភ្ជាប់ ដោយកិច្ចព្រមព្រៀងមិនបង្ហាញយ៉ាងតឹងរ៉ឹង មិនបង្ហាញទំនាក់ទំនង ជាមួយរដ្ឋាភិបាលអង់គ្លេស។
អតីតបុគ្គលិកបានពិពណ៌នាប្រតិបត្តិការនេះថា ជានេះការឃោសនារបស់រដ្ឋ។ មនុស្សម្នាក់បានប្រាប់ Declassified ថាទំនាក់ទំនងរវាង Zinc និងអ្នកមានឥទ្ធិពលគឺកេងប្រវ័ញ្ចយ៉ាងខ្លាំង ។
អ្នកផ្សេងទៀតបានអះអាងថា Zinc បានជ្រៀតជ្រែកក្នុងការ បោះឆ្នោតឆ្នាំ ២០២៣ របស់ប្រទេសស្លូវ៉ាគី ដោយកំណត់គោលដៅអ្នកបោះឆ្នោត វ័យក្មេងជាមួយនឹងខ្លឹមសារ ដែលមានឥទ្ធិពលត្រូវបានរចនាឡើង ដើម្បីបង្កើនចំនួនអ្នកបោះឆ្នោតសម្រាប់ Progressive Slovakia ដែលជាគណបក្សគាំទ្រអឺរ៉ុប ។ ការបោះឆ្នោត ចុងក្រោយត្រូវ បានឈ្នះដោយគណបក្ស Smer របស់ Robert Fico បានតស៊ូមតិរក្សាទំនាក់ទំនងមិត្តភាព ជាមួយរុស្ស៊ី និងទាក់ទាញការគាំទ្រពីអ្នកបោះឆ្នោតចាស់។
ទីភ្នាក់ងារ Zinc ត្រូវបានលាតត្រដាងពីមុនសម្រាប់ដំណើរការវេទិកាព័ត៌មានមូស្លីមសម្ងាត់។ នៅឆ្នាំ ២០២១ វាក៏ត្រូវបានគេរាយការណ៍ថា កំពុងស្វែងរកជ្រើសរើស តារាកំប្លែង និង YouTubers ដើម្បីដំណើរការយុទ្ធនាការ psyop នៅតំបន់បាល់ទិក ដើម្បីផ្លាស់ប្តូរគំនិត របស់សហគមន៍ដែលនិយាយភាសារុស្សី។
នេះបើតាមឯកសារសាធារណៈថា ក្រៅពីរដ្ឋាភិបាលចក្រភពអង់គ្លេស ក្រុមហ៊ុនក៏បានទទួលជំនួយរាប់លានពីសហរដ្ឋអាមេរិក ព្រមទាំងពីរដ្ឋាភិបាលបែលហ្ស៊ិក ៕
