អាមេរិក ៖ យោងតាមការចេញ ផ្សាយពីគេហទំព័រ VN Express បានប្រាប់ឲ្យដឹងថា លោកស្រី Jackie Bezos ម្តាយរបស់ស្ថាបនិក Amazon លោក Jeff Bezos បានទទួលមរណភាព កាលពីថ្ងៃព្រហស្បតិ៍ក្នុងអាយុ ៧៨ ឆ្នាំ បន្ទាប់ពីលោកស្រីធ្វើការតស៊ូយ៉ាងយូរជាមួយនឹងជំងឺវង្វេង Lewy ។
ទស្សនាវដ្តី People បានរាយការណ៍ថា មូលនិធិគ្រួសារ Bezos ដែលលោកស្រីសហស្ថាបនិក ជាមួយកូនប្រុសរបស់លោកស្រី បានបញ្ជាក់ពីការស្លាប់ របស់លោកស្រីក្នុងសេចក្តីថ្លែងការណ៍មួយកាលពីថ្ងៃទី ១៤ ខែសីហា។ លោកស្រីត្រូវបានរស់រានមានជីវិតដោយប្តីរបស់លោកស្រី គឺលោក Mike Bezos កូន៣នាក់របស់លោកស្រីគឺលោក Jeff, Christina និង Mark ក៏ដូចជាចៅចំនួន ១១ នាក់ និងចៅទួតម្នាក់។
លោក Jeff បានបង្ហោះការសរសើរដល់ម្តាយរបស់លោក នៅលើប្រព័ន្ធផ្សព្វផ្សាយសង្គមដោយរំលឹកថា ភាពពេញវ័យបានចាប់ផ្តើមបន្តិច នៅពេលម្តាយបានក្លាយជាម្តាយរបស់ខ្ញុំនៅអាយុ ១៧ ឆ្នាំ ។ លោកបានបន្តថា គាត់បានលាចាកលោកទាំងកូន ចៅ និងប្តី ហើយគាត់ត្រូវបានគេរកឃើញថា មានជំងឺវង្វេងនៅឆ្នាំ ២០២០។
មហាសេដ្ឋីវ័យ ៦១ ឆ្នាំរូបនេះ បានសរសេរថា ខ្ញុំដឹងថា គាត់មានអារម្មណ៍ស្រលាញ់របស់យើងក្នុងគ្រាចុងក្រោយ។ យើងក៏មានសំណាងដែរ ក្នុងជីវិតរបស់គាត់។ ខ្ញុំរក្សាគាត់នៅក្នុងបេះដូង របស់ខ្ញុំជារៀងរហូត” ។
នេះបើយោងតាម Business Insider នៅពេលលោក Jeff មានអាយុ ៤ ឆ្នាំ ម្តាយរបស់លោកបានរៀបការជាមួយ Miguel “Mike” Bezos ជាជនអន្តោប្រវេសន៍គុយបា ដែលក្រោយមកបានចិញ្ចឹមគាត់។លោក Jeff បាននិយាយថា គាត់ទើបតែរៀននៅអាយុ ១០ ឆ្នាំថា lokMike មិនមែនជាឪពុកបង្កើតរបស់គាត់ ៕
