អាមេរិក ៖ យោងតាមការចេញ ផ្សាយពីគេហទំព័រ China Daily បានប្រាប់ឲ្យដឹងថា សេតវិមានបានបើកដំណើរការគណនី TikTok ផ្លូវការកាលពីថ្ងៃអង្គារ ដោយទាញយកអត្ថប្រយោជន៍ ពីកម្មវិធីវីដេអូខ្លីដែលមានអ្នកប្រើប្រាស់ជាង ១៧០ លាននាក់របស់អាមេរិក ដើម្បីផ្សព្វផ្សាយសាររបស់លោកប្រធានាធិបតី Donald Trump ។
គណនីថ្មី @whitehouse បានផ្សាយបន្តផ្ទាល់កាលពីល្ងាចថ្ងៃអង្គារ ជាមួយនឹងវីដេអូដំបូងបង្ហាញ ពីវីដេអូរបស់លោក Trump នៅពេលលោកប្រកាសថា “ខ្ញុំជាសំឡេងរបស់អ្នក” ។
អ្នកនាំពាក្យសេតវិមានលោកស្រី Karoline Leavitt បាននិយាយថា រដ្ឋបាល Trump ប្តេជ្ញាក្នុងការទំនាក់ទំនងភាព ជោគជ័យជាប្រវត្តិសាស្ត្រ ដែលប្រធានាធិបតី Trump បានផ្តល់ដល់ប្រជាជនអាមេរិកជាមួយនឹងទស្សនិកជន និងវេទិកាជាច្រើន តាមដែលអាចធ្វើទៅបាន។
លោកស្រីបានបន្តថា សាររបស់ប្រធានាធិបតី លោក Trump បានគ្របដណ្ដប់លើ TikTok ក្នុងអំឡុងពេលយុទ្ធនាការ ប្រធានាធិបតីរបស់លោក ហើយយើងពិតជារំភើប ក្នុងការកសាងភាពជោគជ័យទាំងនោះ និងការប្រាស្រ័យទាក់ទងគ្នាតាមរបៀប ដែលរដ្ឋបាលផ្សេងទៀត មិនមានពីមុនមក។
លោក Trump មានចំណុចទន់សម្រាប់កម្មវិធីដ៏ពេញនិយម ដោយផ្តល់កិត្តិយស ដល់វាក្នុងការជួយលោកឲ្យទទួលបានការគាំទ្រ ក្នុងចំណោមអ្នកបោះឆ្នោតវ័យក្មេង នៅពេលលោកបានផ្តួល គណបក្សប្រជាធិបតេយ្យ Kamala Harris ក្នុងការបោះឆ្នោតប្រធានាធិបតីខែវិច្ឆិកា ឆ្នាំ ២០២៤ ។
គណនី TikTok ដែល Trump ប្រើសម្រាប់យុទ្ធនាការប្រធានាធិបតីរបស់លោកកាលពីឆ្នាំមុន @realdonaldtrump មានអ្នកតាមដានច្រើនជាង ១៥ លាននាក់៕
