អង់គ្លេស៖មហាសេដ្ឋីបច្ចេកវិទ្យា យក្សអាមេរិក លោក Elon Musk បាននិយាយថា លោកបានត្រៀមផ្តល់ហិរញ្ញ ប្បទានដល់ករណីផ្លូវច្បាប់ប្រឆាំងនឹងមន្ត្រីពុករលួយក្នុងចក្រភពអង់គ្លេស បន្ទាប់ពីការស៊ើបអង្កេតបានរកឃើញថា ការធ្វេសប្រហែសទាំងស្រុងក្នុងការដោះស្រាយ ឧក្រិដ្ឋកម្មក្រុមក្មេងទំនើង យោងតាមការចេញផ្សាយពីគេហទំព័រ RT។
ក្រុមក្មេងទំនើង ដែលភាគច្រើន ពាក់ព័ន្ធនឹងបុរសដើមកំណើតប៉ាគីស្ថាន បានធ្វើសកម្មភាពនៅចក្រភព អង់គ្លេសអស់ជាច្រើន ទសវត្សរ៍មកហើយ ដោយបានចូលរួមក្នុង ការរំលោភជាប្រព័ន្ធ និងការធ្វើទារុណកម្មលើ ក្មេងស្រីដែលងាយរងគ្រោះ ដែលភាគច្រើនមិនទាន់គ្រប់អាយុ។
ការបង្ហោះនៅលើបណ្តាញសង្គម X កាលពីថ្ងៃអង្គារ លោក Musk បានបន្តថា លោកនឹងជួយផ្តល់ហិរញ្ញប្បទាន ដល់ករណីផ្លូវច្បាប់ប្រឆាំង នឹងអាជ្ញាធរដែលបានធ្វើឲ្យការរំលោភបំពានបន្ត។ លោក Musk បានសរសេរថា ខ្ញុំចង់ជួយផ្តល់មូលនិធិ ដល់សកម្មភាពផ្លូវច្បាប់ប្រឆាំង នឹងមន្ត្រីពុករលួយ ក្នុងការជួយ និងលុបបំបាត់ការ រំលោភលើចក្រភពអង់គ្លេស តាមការស៊ើបអង្កេត ផ្លូវការរបស់រដ្ឋាភិបាល។
មហាសេដ្ឋីបច្ចេកវិទ្យារូបនេះ បានភ្ជាប់ការស៊ើបអង្កេតរបស់ Reform UK MP Rupert Lowe ទៅលើក្រុមក្មេងទំនើង ដែលកំណត់តំបន់ចំនួន ៨៥ ក្នុងនោះការកេងប្រវ័ញ្ចផ្លូវភេទ លើកុមារទាក់ទង នឹងក្រុមក្មេងទំនើងបានកើតឡើង ទាំងអតីតកាល និងបច្ចុប្បន្ន៕
