ទីក្រុង Da Nang ៖ បុរសជនជាតិអាមេរិកម្នាក់ ដែលក្លែងខ្លួនធ្វើជាអ្នកបើកបរ Grab ត្រូវបានគេចោទប្រកាន់ថា បានវាយធ្វើបាបសន្តិសុខម្នាក់ និងប្លន់ហាងលក់គ្រឿងអលង្ការ PNJ នៅកណ្តាលទីក្រុង Da Nang ប្រទេសវៀតណាមកាលពីល្ងាចថ្ងៃអង្គារ ហើយសក្មភាពទាំងអស់ ត្រូវបានថតដោយកាមេរ៉ា ។
ខណៈករណីប្លន់បានកើតឡើងនៅវេលាម៉ោង ៨ និង៥០នាទីយប់ កាលពីថ្ងៃអង្គារ មនុស្សមួយចំនួនបានព្យាយាមបិទទ្វារ ហាង ដោយរនាំងដែក ដើម្បីការពារបុរសនោះមិនឲ្យរត់គេចខ្លួន។ ទោះបីជាយ៉ាងណាក៏ដោយ ជនល្មើសបានរុញ សោរបើករត់គេចខ្លួន ជាមួយកាបូបគ្រឿងអលង្ការ។
ជនល្មើសត្រូវបានប៉ូលិសចាប់ខ្លួនរយៈពេល ១៤ ម៉ោង ហើយត្រូវបានគេកំណត់អត្តសញ្ញាណថា ជា West Dale James អាយុ ២៩ ឆ្នាំ៕
