កូរ៉េខាងត្បូង ៖ ក្រុមមន្ត្រីកូរ៉េខាងត្បូង បាននិយាយ កាលពីថ្ងៃព្រហស្បតិ៍ថា ប្រទេសកូរ៉េខាងត្បូង បានអនុម័តច្បាប់ ហាមប្រាម ទូរស័ព្ទនៅក្នុងថ្នាក់រៀន នៅទូទាំងប្រទេស ដោយធ្វើឲ្យប្រទេសនេះ ក្លាយជាប្រទេសចុងក្រោយគេ ក្នុងការរឹតបន្តឹងម៉ោងអេក្រង់របស់សិស្ស យោងតាមការចេញផ្សាយពីគេហទំព័រ VN Express ។
ប្រទេសកូរ៉េខាងត្បូងមួយក្នុងចំណោមប្រទេស មានអ្នកប្រើឧបករណ៍ស្មាតហ្វូនច្រើនបំផុត លើពិភពលោក ថ្មីៗនេះបានស្វែងរកការរឹតបន្តឹងច្បាប់ លើឧបករណ៍អេឡិចត្រូនិកក្នុងសាលារៀន ដោយលើកឡើងពីការព្រួយ បារម្ភអំពីការញៀនស្មាតហ្វូន ក្នុងចំណោមសិស្ស។
សភាជាតិបានប្រកាសប្រាប់ AFP បាននិយាយថា ច្បាប់ដែល នឹងចូលជាធរមាននៅខែមីនាឆ្នាំក្រោយ ហាមប្រាមឧបករណ៍ឆ្លាតវៃ រួមទាំងទូរស័ព្ទចល័តក្នុងថ្នាក់រៀន ហើយត្រូវបានអនុម័តកាលពីថ្ងៃពុធ ។ ចំណាត់ការនេះធ្វើឲ្យកូរ៉េខាងត្បូង ក្លាយជាប្រទេស ចុងក្រោយគេ ដែលដាក់កម្រិតលើការប្រើ ប្រាស់ប្រព័ន្ធផ្សព្វផ្សាយសង្គម ក្នុងចំណោមសិស្សសាលា ដោយធ្វើតាមជំហានស្រដៀងគ្នានេះនៅប្រទេសរួមទាំងអូស្ត្រាលី និងហូឡង់។
ក្រសួងអប់រំរបស់ទីក្រុងសេអ៊ូល បាននិយាយក្នុងសេចក្តីថ្លែងការណ៍មួយថា ច្បាប់ហាមឃាត់ការប្រើប្រាស់ ស្មាតហ្វូនក្នុងថ្នាក់រៀន លើកលែងតែនៅពេលត្រូវការជាឧបករណ៍ជំនួយសម្រាប់សិស្សពិការ ឬតម្រូវការអប់រំពិសេស ឬសម្រាប់គោលបំណងអប់រំ ។ វិធានការនេះក៏បង្កើតមូលដ្ឋានច្បាប់ ដើម្បីរឹតបន្តឹងការកាន់កាប់ និងការប្រើប្រាស់ ឧបករណ៍បែបនេះ ដើម្បីការពារសិទ្ធិរបស់សិស្សក្នុងការរៀន និងគាំទ្រសកម្មភាពរបស់គ្រូ។
សមាជិកសភា រួមទាំងសមាជិកបក្សប្រឆាំងអំណាចប្រជាជន លោក Cho Jung-hun បានណែនាំសេចក្តីព្រាងច្បាប់នោះ បាននិយាយថា បញ្ហានេះមានជម្លោះជាយូរណាស់មកហើយ ចំពេលមានការព្រួយបារម្ភអំពីការរំលោភសិទ្ធិមនុស្ស។
ប៉ុន្តែថ្មីៗនេះ គណៈកម្មាធិការសិទ្ធិមនុស្សជាតិ របស់ប្រទេសនេះ បានផ្លាស់ប្តូរជំហររបស់ខ្លួន ដោយនិយាយថា ការកំណត់លើការប្រើប្រាស់ទូរស័ព្ទ ក្នុងគោលបំណងអប់រំ មិនបានរំលោភសិទ្ធិនោះទេ ដោយសារឥទ្ធិពលអវិជ្ជមាន របស់ពួកគេទៅលើការសិក្សា និងសុខុមាលភាពផ្លូវចិត្ត របស់សិស្ស៕
