បរទេស៖ យោងតាមការចេញផ្សាយរបស់ RT តួលេខផ្លូវការដែលចេញផ្សាយកាលពីថ្ងៃសុក្របានបង្ហាញថា ភាពអត់ការងារធ្វើនៅក្នុងប្រទេសអាល្លឺម៉ង់ បានកើនឡើងដល់កម្រិតខ្ពស់បំផុតក្នុងរយៈពេលមួយទសវត្សរ៍ចុងក្រោយនេះ។
របាយការណ៍ការងារបានកើតឡើងខណៈសេដ្ឋកិច្ច ដែលកំពុងធ្លាក់ចុះរបស់ប្រទេសនេះប្រឈមនឹងការធ្លាក់ចុះក្នុងរយៈពេលបីឆ្នាំជាប់គ្នាមកហើយ។
តួលេខបានបង្ហាញចំនួនអ្នកអត់ការងារធ្វើកើនឡើងដល់ទៅ ៣លាននាក់ក្នុងខែសីហាជាលើកដំបូងចាប់តាំងពីឆ្នាំ២០១៥។
ការកើនឡើងពីមួយខែទៅមួយខែមានចំនួន ៤៦,០០០នាក់ ដែលធ្វើឲ្យចំនួនសរុបចំនួនកើនឡើងទៅដល់ ៣,០២លាននាក់នៅក្នុងលក្ខខណ្ឌដែលមិនមានការកែតម្រូវតាមរដូវកាល ឬប្រមាណជា៦,៤ភាគរយ នៃចំនួនប្រជាជនសរុប។
បើយោងតាមប្រធានទីភ្នាក់ងារការងារសហព័ន្ធលោក Andrea Nahles បានស្តីបន្ទោសទៅលើការតស៊ូទីផ្សារការងារលើសេដ្ឋកិច្ចខ្សោយរបស់ប្រទេសអាល្លឺម៉ង់។ សេដ្ឋកិច្ចធំបំផុតរបស់សហភាពអឺរ៉ុបបានធ្លាក់ចុះ ០,២ភាគរយក្នុងឆ្នាំ ២០២៤បន្ទាប់ពីបានធ្លាក់ចុះ ០,៣ភាគរយកាលពីនៅក្នុងឆ្នាំ២០២៣៕
ប្រែសម្រួល៖ ស៊ុនលី
