វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ បានគំរាមថានឹងដាក់ពន្ធបន្ថែមលើសហភាពអឺរ៉ុប ភ្លាមៗ បន្ទាប់ពីប្លុកនេះបានពិន័យជាទឹកប្រាក់ចំនួន ២.៩5 ពាន់លានអឺរ៉ូ ឬ ៣.៤៧ ពាន់លានដុល្លារ លើក្រុមហ៊ុន Google សម្រាប់ការរំលោភលើច្បាប់ប្រឆាំងការផ្តាច់មុខ។
បន្ទាប់ពីការសម្រេចចិត្តរបស់អឺរ៉ុប លោក ត្រាំ បានឲ្យដឹងនៅលើវេទិកាសង្គម Truth Social របស់លោកថា “ថ្ងៃនេះអឺរ៉ុប បានពិន័យក្រុមហ៊ុនអាមេរិកដ៏អស្ចារ្យមួយទៀតគឺ Google ជាមួយនឹងការផាកពិន័យចំនួន ៣.៥ ពាន់លានដុល្លារ ដោយយកប្រាក់ដែលមានប្រសិទ្ធភាពលើការវិនិយោគ និងការងាររបស់អាមេរិក អយុត្តិធម៌ណាស់ ហើយអ្នកជាប់ពន្ធអាមេរិក នឹងមិនគាំទ្រសម្រាប់វានផះទេ!។
លោកប្រធានាធិបតី បានបន្ថែមថា “ដូចដែលខ្ញុំបាននិយាយពីមុនមក រដ្ឋបាលរបស់ខ្ញុំនឹងមិនអនុញ្ញាតឱ្យមានសកម្មភាពរើសអើងទាំងនេះទេ… ខ្ញុំនឹងត្រូវបង្ខំឱ្យចាប់ផ្តើមដំណើរការផ្នែកទី៣០១ ដើម្បីទុកជាមោឃៈនូវការពិន័យមិនយុត្តិធម៌ ដែលត្រូវបានចោទប្រកាន់ ចំពោះក្រុមហ៊ុនអាមេរិកដែលបង់ពន្ធទាំងនេះ” ។
សហភាពអឺរ៉ុប បានប្រកាសកាលពីថ្ងៃសុក្រថា ការផាកពិន័យជិត ៣.៥ពាន់លានដុល្លារប្រឆាំងនឹង Google សម្រាប់ការរំលោភបំពានលើទីផ្សាររបស់ខ្លួនដោយផ្តល់ឱ្យការផ្លាស់ប្តូរការផ្សាយពាណិជ្ជកម្មរបស់ខ្លួននូវអត្ថប្រយោជន៍ប្រកួតប្រជែងលើគូប្រជែង។
សហភាពអឺរ៉ុបក៏បានបញ្ជាឱ្យ Google បញ្ឈប់ការអនុវត្តទាំងនេះផងដែរ។ វាជាលើកទីបួនហើយ ដែលទីក្រុងព្រុចសែល បានដាក់ទណ្ឌកម្មក្រុមហ៊ុន ជាមួយនឹងការផាកពិន័យជាច្រើនពាន់លានអឺរ៉ូ នៅក្នុងករណីប្រឆាំងការទុកចិត្ត។
លោក Teresa Ribera ដែលជានិយតករប្រឆាំងការទុកចិត្តកំពូលរបស់គណៈកម្មការអឺរ៉ុប បានឲ្យដឹងនៅក្នុងសេចក្តីថ្លែងការណ៍មួយថា “ការសម្រេចចិត្តថ្ងៃនេះបង្ហាញថា Google បានរំលោភលើតួនាទីលេចធ្លោរបស់ខ្លួននៅក្នុងបច្ចេកវិទ្យាផ្សាយពាណិជ្ជកម្ម ធ្វើឱ្យប៉ះពាល់ដល់អ្នកបោះពុម្ពផ្សាយ អ្នកផ្សាយពាណិជ្ជកម្ម និងអ្នកប្រើប្រាស់”៕
ប្រែសម្រួល ឈូក បូរ៉ា
