នេប៉ាល់ ៖ យោងតាមការចេញ ផ្សាយពីគេហទំព័រ RTបានប្រាប់ឲ្យដឹងថា ប្រទេសនេប៉ាល់បានប្រកាសបិទ វេទិកាប្រព័ន្ធផ្សព្វផ្សាយសង្គមសំខាន់ៗ រាប់សិបរួមមាន Instagram WhatsApp YouTube និង Reddit បន្ទាប់ពីពួកគេមិនគោរព តាមច្បាប់ចុះឈ្មោះជាតិ ខណៈការផ្លាស់ប្តូរនេះបានឆ្លុះបញ្ចាំង ពីនិន្នាការសកលនៃរដ្ឋាភិបាល ដែលរឹតបន្តឹងការត្រួតពិនិត្យ របស់ក្រុមហ៊ុនបច្ចេកវិទ្យាយក្ស ។
ការហាមឃាត់នេះធ្វើឡើង តាមការណែនាំកាលឆ្នាំ ២០២៣ ដោយក្រសួងទំនាក់ទំនង និងបច្ចេកវិទ្យាព័ត៌មាន ដោយតម្រូវឲ្យបណ្តាញ ទាំងអស់ចុះឈ្មោះ មុនពេលដំណើរការ នៅប្រទេសអាស៊ីខាងត្បូង។ ថ្មីៗនេះ តុលាការកំពូលបានគាំទ្រ វិធានការនេះ ដោយប្រាប់រដ្ឋាភិបាល ឲ្យធានាថា វេទិកាបរទេស និងក្នុងស្រុកត្រូវបានចុះបញ្ជីជាផ្លូវការ ដូច្នេះមាតិការបស់ពួកគេ អាចត្រូវបានត្រួតពិនិត្យ។
រដ្ឋាភិបាលនិយាយថា ច្បាប់នេះមានគោលបំណងទប់ស្កាត់គណនីក្លែងក្លាយ ពាក្យសម្ដីស្អប់ខ្ពើម និងឧក្រិដ្ឋកម្មតាមអ៊ីនធើណេតក្នុងប្រទេសដែលមនុស្ស ៩ នាក់ក្នុងចំណោម ១០ នាក់ប្រើប្រាស់អ៊ីនធើណឹត។ វេទិកាត្រូវបានផ្តល់ពេលមួយ សប្តាហ៍ចាប់ពីថ្ងៃទី ២៨ ខែសីហា ដើម្បីអនុវត្ត ប៉ុន្តែថ្ងៃផុតកំណត់បានកន្លង ផុតទៅនៅយប់ថ្ងៃពុធដោយគ្មានអ្នកប្រើប្រាស់សកលលោកសំខាន់ៗ រួមទាំង Meta Alphabet X Reddit និង LinkedIn បានដាក់សំណើ។
យោងតាមរបាយការណ៍ប្រព័ន្ធផ្សព្វផ្សាយក្នុងស្រុកបាននិយាយថា វេទិកាសរុបចំនួន ២៦ ដែលមិនអើពើនឹងការណែនាំ ត្រូវបានរារាំង។ TikTok Viber និងកម្មវិធីតូចៗជាច្រើនបានចុះឈ្មោះ ខណៈ Telegram និង Global Diary កំពុងរង់ចាំការយល់ព្រម ។
អ្នកនាំពាក្យក្រសួងលោក Gajendra Kumar Thakur បាននិយាយថា លើកលែងតែវេទិកាចំនួន ៥ បានចុះបញ្ជី និង២កំពុងដំណើរការនោះ ផ្សេងទៀតទាំងអស់នឹងត្រូវបិទដំណើរ ការនៅកប្រទេសនេប៉ាល់ ដោយបន្ថែមថា វេទិកាណាមួយដែលបញ្ចប់ការចុះឈ្មោះ នឹងត្រូវបើកឡើងវិញ នៅថ្ងៃតែមួយ។
ការសម្រេចចិត្តនេះបានធ្វើឲ្យមានការខឹងសម្បារ តាមប្រព័ន្ធអ៊ីនធើណេត ដោយអ្នកប្រើប្រាស់ ប្រព័ន្ធផ្សព្វផ្សាយ សង្គមបានហៅវាថាមានភាពច្របូកច្របល់ នៅក្នុងយុគសម័យឌីជីថល ហើយព្រមានថាវានឹងមានហានិភ័យ ក្នុងការកាត់បន្ថយរាប់លាននាក់ ពីសេវាកម្ម ដែលពួកគេពឹងផ្អែកលើប្រចាំថ្ងៃ៕
