អាមេរិក៖នេះបើយោង តាមនាយកដ្ឋានយុត្តិធម៌ បានប្រាប់ឲ្យដឹងថា លោក Abraham Shafi ស្ថាបនិក និងជាអតីតនាយកប្រតិបត្តិ នៃកម្មវិធីប្រព័ន្ធផ្សព្វផ្សាយ សង្គម IRL ដែលលែងដំណើរការ ហើយត្រូវបានចោទប្រកាន់ ពីបទក្លែងបន្លំមូលបត្រចំនួនទឹកប្រាក់ ១៧០ លានដុល្លារ យោងតាមការចេញផ្សាយ ពីគេហទំព័រ VN Express
នេះបើយោងតាម CNBC បានចេញផ្សាយថា លោក Shafi អាយុ ៣៨ ឆ្នាំមកពីរដ្ឋហាវ៉ៃ ត្រូវបានគេចោទប្រកាន់ថា បានបោកប្រាស់ អ្នកវិនិយោគចំនួន ១៧០ លានដុល្លារក្នុងអំឡុងពេលផ្តល់មូលនិធិ ២០២១ សម្រាប់ IRL ដែលជាក្រុម ហ៊ុនមានតម្លៃ ១ពាន់លានដុល្លារមុនពេលបិទនៅខែមិថុនា ឆ្នាំ ២០២៣។
DOJ អះអាងថា លោក Shafi បានបំប៉ោងភាពជោគជ័យរបស់កម្មវិធី ដោយចំណាយប្រាក់រាប់លានលើការផ្សាយ ពាណិជ្ជកម្មដើម្បីបង្កើនការដំឡើង អ្នកប្រើប្រាស់ ខណៈពេលដែលធ្វើឲ្យអ្នក វិនិយោគយល់ច្រឡំដោយបញ្ជាក់ថា ក្រុមហ៊ុនបានចំណាយតិចតួចណាស់ លើការទិញអ្នកប្រើប្រាស់ ។ ការចំណាយទាំងនេះត្រូវបានគេចោទថា បានលាក់ដោយការចេញ វិក្កយបត្រពួកគេ ទៅក្រុមហ៊ុនដាច់ដោយឡែក។
នេះបើយោង តាមគេហទំព័រ Fortune ថា ការចោទប្រកាន់នេះ បានបញ្ជាក់ថា លោក Shafi បានប្រើប្រាស់មូលនិធិ របស់ក្រុមហ៊ុនខុសសម្រាប់ការចំណាយផ្ទាល់ខ្លួន រួមទាំងពិធីមង្គលការនៅហាវ៉ៃ ជាមួយថ្នាក់សិល្បៈ ដំណើរកម្សាន្តទៅកាន់ប្រទេសជប៉ុន និងការដើរទិញ ឥវ៉ាន់លំដាប់ខ្ពស់។
ការចំណាយទាំងនេះត្រូវបានគិតទៅលើប័ណ្ណឥណទានអាជីវកម្មរបស់ IRL ហើយលោក Shafi បានសងវិញចំនួន ២.៥ លានដុល្លារសម្រាប់ការចំណាយមួយចំនួន ទោះបីជាមិនមែនទាំងអស់ត្រូវបានសងវិញក៏ដោយ។
ឯកសារផ្លូវច្បាប់ លោក Shafi បានអះអាងថា លោកមិនដែលលាក់បាំង ការប្រើប្រាស់កាត ឥណទានដូចគ្នា សម្រាប់ទាំងអាជីវកម្ម និងការចំណាយផ្ទាល់ខ្លួននោះទេ ដោយអះអាងថា ការអនុវត្តនេះបានចាប់ផ្តើម នៅពេលលោកផ្តល់មូលនិធិផ្ទាល់ ខ្លួនដល់ក្រុមហ៊ុន៕
