អូស្ត្រាលី កំពុងត្រៀម ធ្វើការត្រួតពិនិត្យ អាយុអ្នកប្រើ ប្រាស់បណ្តាញសង្គម ក្រោមបម្រាម ប្រព័ន្ធផ្សព្វផ្សាយ សង្គមក្រោម១៦ឆ្នាំ

ស៊ីដនី៖យោងតាមការចេញ ផ្សាយពីគេហទំព័រ Japan Today បានប្រាប់ឲ្យដឹងថា ប្រទេសអូស្ត្រាលីបានអំពាវនាវ ឲ្យវេទិកាប្រព័ន្ធផ្សព្វផ្សាយ សង្គមកាលពីថ្ងៃអង្គារត្រូវតែប្រើវិធីសាស្ត្រ ដើម្បីពិនិត្យមើល អាយុរបស់អ្នកប្រើប្រាស់ ដែលគ្របដណ្តប់ដោយការហាមឃាត់ ប្រព័ន្ធផ្សព្វផ្សាយសង្គមវ័យ ជំទង់ដំបូងបង្អស់របស់ខ្លួន ដែលគិតគូរពីបញ្ញាសិប្បនិម្មិត (AI) និងទិន្នន័យអាកប្បកិរិយា។

រដ្ឋាភិបាល និងក្រុមហ៊ុនបច្ចេកវិទ្យានៅទូទាំងពិភព លោក កំពុងឃ្លាំមើលយ៉ាងដិត ដល់នូវកិច្ចខិតខំប្រឹងប្រែង របស់ប្រទេសអូស្ត្រាលី ដើម្បីឲ្យក្លាយជា ប្រទេសដំបូងគេ ដែលរារាំងការប្រើប្រាស់ប្រព័ន្ធផ្សព្វផ្សាយ សង្គមរបស់អ្នកដែលមានអាយុក្រោម ១៦ ឆ្នាំ ដោយចាប់ផ្តើមពីខែធ្នូ។

អ្នកឃ្លាំមើលអ៊ីនធើណេតបាននិយាយក្នុង ការណែនាំរបស់ខ្លួន សម្រាប់ក្រុមហ៊ុនឲ្យគោរព តាមច្បាប់ដែលបាន អនុម័តកាលពីខែវិច្ឆិកាថា “eSafety ណែនាំបច្ចេកទេស ឈ្លានពានតិចតួចបំផុត ចំពោះប្រើប្រាស់ប្រព័ន្ធផ្សព្វផ្សាយ សង្គមរបស់អ្នកដែលមានអាយុក្រោម ១៦ ឆ្នាំ ។

លោកស្រី Julie Inman Grant ស្នងការ eSafety បាននិយាយថា វេទិកាប្រព័ន្ធផ្សព្វផ្សាយសង្គម មិនតម្រូវឲ្យធ្វើការផ្ទៀងផ្ទាត់អាយុចន្លោះនោះទេ ដោយសារក្រុមហ៊ុនអាចប្រើប្រាស់ទិន្នន័យដែលមានស្រាប់ ដើម្បីសន្និដ្ឋានអំពីអាយុអាចទុកចិត្តបាន ។ លោកស្រីបានប្រាប់សន្និសីទសារព័ត៌មានថា យើងដឹងថាពួកគេមានបច្ចេកវិទ្យា កំណត់គោលដៅដើម្បីធ្វើរឿងនេះ ហើយពួកគេអាចកំណត់គោលដៅ យើងជាមួយនឹងភាពជាក់លាក់ដ៏គ្រោះថ្នាក់ នៅពេលនិយាយអំពីការផ្សាយពាណិជ្ជកម្ម ប្រាកដណាស់ពួកគេអាចធ្វើវាបាននៅអាយុកុមារ។

លោកស្រីបានបន្ថែមថា មនុស្សពេញវ័យ មិនគួរឃើញការផ្លាស់ប្តូរដ៏ធំនោះទេ វានឹងមិនសមហេតុផលទេ ប្រសិនបើវេទិកាផ្ទៀងផ្ទាត់អាយុរបស់អ្នករាល់គ្នាឡើងវិញ។

កាលពីខែកក្កដា លោក Grant បានពង្រីកការហាមឃាត់ចំពោះគេហទំព័រ YouTube គ្រប់គ្រងដោយ Alphabet បន្ទាប់ពីការត្អូញត្អែរ ដោយ Facebook និង Instagram របស់ Meta, Snapchat និង TikTok អំពីការសម្រេចចិត្ត ពីមុនក្នុងការលើកលែងគេហទំព័រចែករំលែកវីដេអូដែលពេញនិយមជាមួយគ្រូ។

Google និង Meta មិនបានឆ្លើយតបភ្លាមៗចំពោះសំណើសុំយោបល់ទេ។

កាលខែកុម្ភៈ eSafety បាននិយាយថា ៩៥ ភាគរយ នៃក្មេងជំទង់ដែលមានអាយុពី ១៣ ទៅ ១៥ ឆ្នាំបានរាយការណ៍ថា ប្រើប្រាស់ប្រព័ន្ធផ្សព្វផ្សាយសង្គមយ៉ាង ហោចណាស់មួយចាប់តាំងពីខែមករា ឆ្នាំ២០២៤ ប៉ុន្តែបានព្រមានថា ចំនួនពិតប្រាកដអាចខ្ពស់ជាងច្រើន ។

រដ្ឋមន្ត្រីក្រសួងទំនាក់ទំនង សហព័ន្ធ Anika Wells បានជំរុញឲ្យឈរលើជំហាន សមហេតុផល ដោយក្រុមហ៊ុនប្រព័ន្ធ ផ្សព្វផ្សាយសង្គមដើម្បីស្វែងរក និងធ្វើឲ្យគណនីមិនទាន់គ្រប់អាយុបិទដំណើរការ ដើម្បីការពារការចុះឈ្មោះឡើងវិញ និងផ្តល់នូវដំណើរការបណ្តឹង ដែលអាចចូលដំណើរ ការបានសម្រាប់អ្នកប្រើ ប្រាស់របស់ពួកគេ៕