ស្ត្រីថៃម្នាក់ រកបានប្រាក់ ៧០,២០០ ដុល្លារ ដោយចៃដន្យ បន្ទាប់ពីជនឆបោក បញ្ឆោតលោកស្រី ឲ្យទិញមាស

ថៃ៖យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា ស្ត្រីអាយុ ៧០ ឆ្នាំម្នាក់នៅប្រទេសថៃគិតថា លោកស្រីបានបាត់បង់អ្វីៗ គ្រប់យ៉ាង ដោយសារការបោកប្រាស់ នៅមជ្ឈមណ្ឌលហៅទូរសព្ទ រហូតដល់សំណាងអាក្រក់ របស់លោកស្រី ប៉ុន្តែបែរជាលោកស្រីទទួលបានសំណាង ដោយទទួលបានទឹកប្រាក់ចំនួន ៧០,២០០ ដុល្លារអាមេរិកទៅវិញ ។

យោងតាម Ch7HD News បាននិយាយថា ស្ត្រីរូបនេះត្រូវបានទាក់ទងដំបូង ដោយជនឆបោកម្នាក់ដែលក្លែងខ្លួន ជាអ្នកស៊ើបអង្កេត បានអះអាងថា គណនីធនាគាររបស់លោកស្រីមានទំនាក់ទំនងជាមួយករណីលាងលុយកខ្វក់។ ដោយខ្លាចការចាប់ខ្លួន លោកស្រីបានផ្ទេរប្រាក់ជាង ៤១០,០០០ បាត (១២,៥០០ ដុល្លារអាមេរិក) ទៅកាន់គណនីមួយនៅហុងកុង។

នេះបើយោងតាមរបាយការណ៍របស់ Mothership ថា នៅពេលគណនីធនាគាររបស់លោកស្រីត្រូវបានបង្កកកាលខែកញ្ញា ជនឆបោកបានណែនាំ លោកស្រីឲ្យប្រើប្រាស់ប្រាក់សន្សំ ដែលនៅសល់របស់លោកស្រី ដើម្បីទិញមាសជំនួសវិញ។ ក្នុងរយៈពេលជាច្រើនសប្តាហ៍ លោកស្រីបានចំណាយប្រាក់ប្រហែល ១៤ លានបាត (៤២៧,០០០ ដុល្លារ) លើដុំមាស ខណៈតម្លៃមាសសកលបាន ចាប់ផ្តើមកើនឡើងយ៉ាងខ្លាំង ។

ដោយមានអារម្មណ៍ថា មានអ្វីមួយខុសប្រក្រតី លោកស្រីបានរាយការណ៍ ពីការបោកប្រាស់នេះទៅប៉ូលីសនៅថ្ងៃទី ១៧ ខែតុលា។ នៅថ្ងៃបន្ទាប់ ក្រោមការណែនាំរបស់ប៉ូលីស លោកស្រីបានធ្វើ តាមការណែនាំ របស់ជនឆបោក ដើម្បីប្រគល់មាស ដែលលាក់ទុកក្នុងកំប៉ុងម្សៅទឹកដោះគោ ទៅកាន់ចំណុចជួបជុំមួយ ។ មន្ត្រីប៉ូលីសស្លៀកពាក់សាមញ្ញបានរង់ចាំ ហើយចាប់ខ្លួនជនជាតិហុងកុងម្នាក់ ដែលបានមកដល់ដើម្បីយកវា៕