អ្នកបើកបរតាក់ស៊ីជនជាតិថៃ ចាប់រំលោភអ្នកដំណើរទំាងស្រវឹងស្រា ចោទថាវិញ្ញាណអាក្រក់បានសណ្ឋិតចូលខ្លួនគាត់

ទីក្រុងបាងកក៖ អ្នកបើកបរតាក់ស៊ីជនជាតិថៃម្នាក់បានសារភាពថា បានរំលោភអ្នកដំណើរស្រីម្នាក់ ដែលស្រវឹងស្រា ហើយមិនអាចការពារខ្លួនបាន នៅសណ្ឋាគារស្នេហាមួយក្នុងទីក្រុងបាងកក កាលពីថ្ងៃអង្គារទី៣ ខែកុម្ភៈ ដោយនិយាយថា ខ្ញុំមិនដឹងថា វិញ្ញាណអាក្រក់បានចូលសណ្ឋិតខ្ញុំនៅយប់នោះទេ យោងតាមការចេញផ្សាយពីគេហទំព័រ The Thaiger ។

យោងតាមសេចក្តីថ្លែងការណ៍របស់នាង ថា ជនរងគ្រោះជានិស្សិតសាកលវិទ្យាល័យម្នាក់ដែលកំពុងសិក្សានៅទីក្រុងបាងកក បានដាក់ពាក្យបណ្តឹងជាផ្លូវការជាមួយប៉ូលីស បន្ទាប់ពីភ្ញាក់ពីដំណេកអាក្រាតកាយក្នុងសណ្ឋាគារស្នេហាមួយ។ នាងបានចេញទៅផឹកស្រានៅកន្លែងកម្សាន្តមួយក្នុងតំបន់រ៉ាចាយ៉ូទីន មុនពេលជិះតាក់ស៊ីនៅម៉ោងប្រហែល ៣ ទៀបភ្លឺ ដើម្បីជួបមិត្តភក្តិម្នាក់នៅតំបន់ Ekkamai ។

នាងបានប្រាប់មន្ត្រីប៉ូលីសថា នាងបានបាត់បង់ស្មារតីក្នុងអំឡុងពេលធ្វើដំណើរ ហើយក្រោយមកបានដឹងខ្លួនវិញនៅម៉ោងប្រហែល ៧ ព្រឹកក្នុងបន្ទប់សណ្ឋាគារ។ ដោយជឿថា ងត្រូវបានគេរំលោភផ្លូវភេទ នាងបានស្វែងរកការព្យាបាលភ្លាមៗនៅមន្ទីរពេទ្យ ដើម្បីទទួលបានវិញ្ញាបនបត្រវេជ្ជសាស្ត្រ មុនពេលរាយការណ៍ករណីនេះទៅប៉ូលីស។

ក្រោយមក ក្រុមអ្នកស៊ើបអង្កេតបានកំណត់អត្តសញ្ញាណជនសង្ស័យថា អ្នកបើកបរតាក់ស៊ីអាយុ ៥១ ឆ្នាំឈ្មោះ Sangwan ។ គាត់ត្រូវបានចាប់ខ្លួនក្នុងសង្កាត់ Ratchadaphisek ស្រុក Din Daeng

វីដេអូនៃការសម្តែងឡើងវិញរបស់ប៉ូលីស ដែលក្រោយមកចាក់ផ្សាយដោយប៉ុស្តិ៍លេខ ៧ បានបង្ហាញថា នសង្ស័យបានសារភាពថា ត់បានដឹកស្ត្រីនោះទៅកាន់គោលដៅរបស់នាង ប៉ុន្តែបានអះអាងថា ងមិនបានចុះពីយានយន្តនៅពេលមកដល់។ គាត់បាននិយាយថា ត់បានសួរនាងថានាងចង់ទៅណាបន្ទាប់ ប៉ុន្តែនាងមិនបានឆ្លើយតបដោយពាក្យសម្តីទេហើយគ្រាន់តែងក់ក្បាលប៉ុណ្ណោះ៕