ហុងកុង៖យោងតាមការចេញផ្សាយ ពីគេហទំព័រ The Standard បានប្រាប់ឲ្យដឹងថា YouTuber ម្នាក់អាយុ ៣២ ឆ្នាំ ដែលជាផ្នែកមួយនៃឆានែល YouTube JFFT បានជាប់ពាក់ព័ន្ធនឹងជម្លោះជា មួយអ្នកផ្សាយហ្គេមអាយុ ២៤ ឆ្នាំម្នាក់នៅផ្សារជាន់ទី៧ នៃ D2 Place ក្នុង Cheung Sha Wan កាលពីរសៀលថ្ងៃចន្ទ ។
យោងតាមរបាយការណ៍ នៅលើប្រព័ន្ធផ្សព្វផ្សាយសង្គម ប៉ូលីសត្រូវបានហៅទៅកាន់កន្លែងកើតហេតុបន្ទាប់ពីការឈ្លោះប្រកែកគ្នា។
អ្នកទាំង២ នាក់ត្រូវបានគេរាយការណ៍ថា ធ្លាប់ឈ្លោះប្រកែកគ្នាកាលពីខែមករានៅ Langham Place ក៏ពាក់ព័ន្ធនឹងសំណុំរឿងរបស់ប៉ូលីសផងដែរ។ YouTuber រូបនេះត្រូវបាន ចាប់ខ្លួន នៅពេលនោះពីបទកាន់កាប់អាវុធ។ នៅថ្ងៃចន្ទ អ្នកផ្សាយបន្តផ្ទាល់វ័យក្មេងរូបនេះ បានប្រឈមមុខនឹងគាត់ជុំវិញ សំណុំរឿងមុន ហើយបានទូរស័ព្ទទៅប៉ូលីស។
បន្ទាប់ពីមន្ត្រីស៊ើបអង្កេត បញ្ហានេះត្រូវបានចាត់ទុកថា ជាជម្លោះ ហើយមិនមានការចាប់ខ្លួនណាមួយត្រូវបានធ្វើឡើងទេ៕
