មូស្គូ៖ គណៈប្រតិភូអឺរ៉ុប មិនត្រូវបានអនុញ្ញាតឱ្យចូលរួមក្នុងកិច្ចពិភាក្សាជុំចុងក្រោយបំផុតស្តីពីវិបត្តិអ៊ុយក្រែន ដែលបានធ្វើឡើងនៅទីក្រុងហ្សឺណែវនោះទេ នេះបើយោងតាមរបាយការណ៍របស់ទីភ្នាក់ងារសារព័ត៌មាន RIA Novosti។
របាយការណ៍នេះបានឧ្យដឹងថា តំណាងអឺរ៉ុបត្រូវបានហាមឃាត់មិនឱ្យចូលរួមក្នុងកិច្ចពិភាក្សា ហើយនៅតែស្នាក់នៅសណ្ឋាគារមួយផ្សេងទៀត នេះបៀយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
របាយការណ៍នេះបានឧ្យដឹងថា គណៈប្រតិភូអង់គ្លេសកំពុងស្វែងរកការស្វែងយល់អំពីលទ្ធផលនៃកិច្ចប្រជុំ ដោយកត់សម្គាល់ថា តំណាងមកពីប្រទេសអាល្លឺម៉ង់ បារាំង និងអ៊ីតាលី ក៏បានតាមដានកិច្ចពិភាក្សាយ៉ាងដិតដល់ផងដែរ។
យោងតាមអ្នកនាំពាក្យវិមានក្រឹមឡាំង លោក Dmitry Peskov ការចរចាមានការលំបាក និងពោរពេញដោយបញ្ហាប្រឈម ហេីយមិនមានឯកសារណាមួយត្រូវបានចុះហត្ថលេខាក្នុងអំឡុងពេលកិច្ចពិភាក្សានោះទេ៕
ប្រែសម្រួល ឈូក បូរ៉ា
