អាល្លឺម៉ង់៖យោងតាមការចេញផ្សាយពីគេហទំព័រ Daily Mail បានប្រាប់ឲ្យដឹងថា អ្នកបុរាណវិទូដែលវិភាគរូបចម្លាក់ជាង ៣,០០០ លើវត្ថុបុរាណបុរេ ប្រវត្តិចំនួន ២៦០ បានរកឃើញប្រព័ន្ធនិមិត្តសញ្ញាមួយ ក្នុងចំណោមប្រព័ន្ធនិមិត្ត សញ្ញាដំបូងបំផុតដែលចាស់ ជាងរូបចម្លាក់ Sumerian ដំបូងគេចាប់ពីឆ្នាំ ៣៤០០ ដល់ ៣៣០០ មុនគ.ស នៅមេសូប៉ូតាមៀ។
វត្ថុបុរាណជាច្រើនត្រូវបានគេរកឃើញក្នុងរូងភ្នំនៅ Swabian Jura រួមទាំងរូបចម្លាក់ Mammoth តូចមួយពីរូងភ្នំ Vogelherd ក្នុង Lone Valley ភាគនិរតី ប្រទេសអាល្លឺម៉ង់។ វត្ថុបុរាណរួមមានខ្លុយ ចម្លាក់សត្វ និងរូបចម្លាក់មនុស្ស និងសត្វចម្រុះ ទាំងអស់ត្រូវបានសម្គាល់ដោយនិមិត្តសញ្ញាដដែលៗចំនួន ២២ ចាប់ពីស្នាមរន្ធរាងអក្សរ V រហូតដល់បន្ទាត់ ឈើឆ្កាង និងចំណុច។
នេះបើយោងតាម Popular Science បាននិយាយថានេះបើ តាមការលើកឡើងរបស់អ្នកនិពន្ធរួមការសិក្សា Ewa Dutkiewicz ជាអ្នកបុរាណវិទូនៅសារ មន្ទីរបុរេប្រវត្តិ និងប្រវត្តិសាស្ត្រដើមដំបូងរបស់ទីក្រុងប៊ែរឡាំង ។ វត្ថុបុរាណទាំងនេះ មានអាយុកាលរាប់ ម៉ឺនឆ្នាំមុនប្រព័ន្ធសរសេរដំបូង។ ចម្លាក់ទាំងនេះហាក់ដូច ជាប្រព័ន្ធនិមិត្ត សញ្ញាដែលមានរចនាសម្ព័ន្ធជា ជាងការតុបតែងចៃដន្យ បង្ហាញពីទម្រង់ដំបូង នៃការទំនាក់ទំនង ឬការផ្ទុកព័ត៌មាន អាចបានកត់ត្រាប្រតិទិន ពិធីសាសនា ការរាប់ ឬអត្តសញ្ញាណវប្បធម៌។
សាស្ត្រាចារ្យ Christian Bentz មកពីសាកលវិទ្យាល័យ Saarland បានបន្ថែមថា មានទ្រឹស្តីជាច្រើន ប៉ុន្តែរហូតមកដល់ពេលនេះ មានការងារជាក់ស្តែង តិចតួចណាស់លើលក្ខណៈជាមូលដ្ឋាន និងអាចវាស់វែងបាននៃសញ្ញា។ ក្រុមនេះបានសង្កត់ធ្ងន់ថា គោលដៅមិនមែនដើម្បីឌិគ្រីបអត្ថន័យជាក់ស្តែងនៃសញ្ញាទាំងនោះ នៅតែមិនទាន់ដឹងនៅឡើយ៕
