វ៉ាស៊ីនតោន៖ អ្នកនាំពាក្យម្នាក់នៃបញ្ជាការកណ្តាលសហរដ្ឋអាមេរិកបានឧ្យដឹងថា កងទ័ពអាមេរិកប្រហែល ២០០នាក់បានរងរបួសចាប់តាំងពីសហរដ្ឋអាមេរិក និងអ៊ីស្រាអែលបានបើកការវាយប្រហារដ៏ធំលើអ៊ីរ៉ង់ កាលពីជាងពីរសប្តាហ៍មុន។
យោងតាមអ្នកនាំពាក្យបញ្ជាការកណ្តាលសហរដ្ឋអាមេរិក លោក Tim Hawkins បានឱ្យដឹងថា របួសទាំងនេះបានកើតឡើងនៅទូទាំងប្រទេសចំនួន៧ នៅមជ្ឈិមបូព៌ា គឺប្រទេសបារ៉ែន អ៊ីរ៉ាក់ អ៊ីស្រាអែល ហ្ស៊កដានី គុយវ៉ែត អារ៉ាប៊ីសាអូឌីត និងអារ៉ាប់រួម។
លោក Hawkins បានលេីកឡេីងថា ក្នុងចំណោមអ្នករងរបួស សមាជិកយោធា ១០នាក់បានរងរបួសយ៉ាងធ្ងន់ធ្ងរ និងជាង ១៨០នាក់ផ្សេងទៀតត្រូវបានព្យាបាល និងបានវិលត្រឡប់ទៅបំពេញកាតព្វកិច្ចវិញ។
បញ្ជាការបានឧ្យដឹងថា យន្តហោះចាក់សាំង KC-135 មួយគ្រឿងរបស់សហរដ្ឋអាមេរិកបានធ្លាក់នៅភាគខាងលិចប្រទេសអ៊ីរ៉ាក់ កាលពីថ្ងៃព្រហស្បតិ៍ ដែលធ្វើឱ្យចំនួនអ្នកស្លាប់ដែលគេដឹងរបស់យោធាសហរដ្ឋអាមេរិកកើនឡេីងដល់ ១៣ នាក់ចាប់តាំងពីការវាយប្រហាររបស់សហរដ្ឋអាមេរិក-អ៊ីស្រាអែលត្រូវបានធ្វើឡើងនៅថ្ងៃទី ២៨ ខែកុម្ភៈ៕
ប្រែសម្រួល ឈូក បូរ៉ា
