អ៊ុយក្រែន ៖នេះបើយោងតាមរបាយការណ៍ ប្រព័ន្ធផ្សព្វផ្សាយជាច្រើន បាននិយាយថា លោក Leonid Radvinsky ម្ចាស់មហាសេដ្ឋី OnlyFans កើតនៅប្រទេស អ៊ុយក្រែន បានទទួលមរណភាព ក្នុងអាយុ ៤៣ ឆ្នាំ បន្ទាប់ពីរូបលោកតស៊ូ រស់នៅជាមួយជំងឺ មហារីកយ៉ាងយូរបំផុត យោងតាមការចេញផ្សាយ ពីគេហទំព័រ RT ។
នេះបើយោងតាម Bloomberg ដកស្រង់សេចក្តីថ្លែងការណ៍តាមអ៊ីម៉ែល ពីក្រុមហ៊ុនដែលមានមូលដ្ឋាននៅទីក្រុងឡុងដ៍ បាននិយាយកាលពីថ្ងៃចន្ទថា លោក Radvinsky បានទទួលមរណភាពដោយសន្តិភាព បន្ទាប់ពីលោកមានជំងឺរ៉ាំរ៉ៃ ហើយជំងឺរបស់លោកមិន ត្រូវបានបង្ហាញជាសាធារណៈទេ។
យោងតាម Forbes បានចេញផ្សាយថា ទ្រព្យសម្បត្តិសុទ្ធរបស់លោក Radvinsky មានចំនួន ៤,៧ ពាន់លានដុល្លារ គិតត្រឹមថ្ងៃចន្ទ។ OnlyFans បានរាយការណ៍ពីប្រាក់ចំណូលចំនួន ១,៤ ពាន់លានដុល្លារក្នុងឆ្នាំ ២០២៤ ដោយអ្នកប្រើប្រាស់បានចំណាយប្រាក់ចំនួន ៧,២ ពាន់លានដុល្លារលើវេទិកានេះ ។ លោក Radvinsky បានបង់ភាគលាភចំនួន ១,៨ ពាន់លានដុល្លារ ដល់ខ្លួនឯងរវាងឆ្នាំ ២០២១ និងដើមឆ្នាំ ២០២៥។
ក្នុងឆ្នាំដំបូងៗរបស់លោក លោក Radvinsky បានដំណើរការគេហទំព័រផ្សាយ ពាណិជ្ជកម្មចូលប្រើពាក្យសម្ងាត់ “ដែលត្រូវបានលួចចូល” ទៅកាន់គេហទំព័រអាសអាភាស បានបង្កើតប្រាក់ចំណូល តាមរយៈការបញ្ជូនបន្ត និងការចុច។ នៅឆ្នាំ ២០០៤ គាត់ ត្រូវបានក្រុមហ៊ុន Microsoft ប្តឹងពីបទអ៊ីម៉ែលឥតបានការ ទោះបីជាករណីនេះ ត្រូវបានច្រានចោលក៏ដោយ៕
