ព័ត៌មានអន្តរជាតិ
ក្រលៀនរបស់ក្មេងស្រីវៀតណាមអាយុ ១៨ឆ្នាំស្ទើរតែប្រែទៅជាថ្ម បន្ទាប់ពីរូបគេទទួលទានមីកញ្ចប់ និងតែទឹកដោះគោ ប្រចាំថ្ងៃ
វៀតណាម៖ យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា ក្មេងស្រីអាយុ ១៨ ឆ្នាំម្នាក់នៅប្រទេសវៀតណាមត្រូវបានបញ្ជូនទៅកាន់មន្ទីរពេទ្យទាំងយប់ ដោយមានការឈឺចុកចាប់យ៉ាងខ្លាំង ទាល់តែគ្រូពេទ្យរកឃើញថា ក្រលៀនរបស់នាងស្ទើរតែប្រែជាដុំថ្មទៅហើយ។ ក្មេងជំទង់រូបនេះបានមកដល់មន្ទីរពេទ្យ E ដោយមានការឈឺខ្នងខ្លាំង និងចង់ក្អួត។ ការស្កែនបានបង្ហាញពីការរលាកតម្រងនោមធ្ងន់ធ្ងរ និងមានគ្រួសជាច្រើនដែលរារាំងបំពង់បង្ហួរនោមរបស់នាង ដោយការពារមិនឲ្យនោមចេញ។ ក្រលៀនរបស់នាងត្រូវបានគេធ្វើឲ្យមានជាតិកាល់ស្យូមខ្លាំងណាស់ ហើយវាជិតនឹងរឹងទាំងស្រុង។ លោកវេជ្ជបណ្ឌិត Mai...
