ព័ត៌មានអន្តរជាតិ
អាហ្សង់ទីន គ្រោងចាយលុយជាង២១លានដុល្លារ សម្រាប់គម្រោងដាក់អំពូលភ្លើងដើរ ដោយថាមពលព្រះអាទិត្យ នៅតាមជនបទ
អាហ្សង់ទីន៖ ទីភ្នាក់ងារព័ត៌មានចិនស៊ិនហួ បានផ្សព្វផ្សាយនៅថ្ងៃទី១៩ ខែតុលា ឆ្នាំ២០២២ថា ប្រទេសអាហ្សង់ទីនកាលពីថ្ងៃអង្គារបានអនុម័តការដេញថ្លៃជាបន្តបន្ទាប់ដើម្បីដំឡើងឧបករណ៍ថាមពលពន្លឺព្រះអាទិត្យនៅក្នុងខេត្តចំនួន១៩ដែលជាផ្នែកមួយនៃការជំរុញថាមពលកកើតឡើងវិញដែលផ្តល់ហិរញ្ញប្បទានដោយធនាគារអន្តរជាតិសម្រាប់ការកសាងឡើងវិញនិងអភិវឌ្ឍន៍ ហៅកាត់ (IBRD) ។ លេខាធិការដ្ឋានថាមពល ក្រោមក្រសួងសេដ្ឋកិច្ច បានអនុម័តលើការដេញថ្លៃជាសាធារណៈ ដើម្បីផ្គត់ផ្គង់ និងដំឡើងបរិក្ខារថាមពលពន្លឺព្រះអាទិត្យនៅតាមសាលារៀន ផ្ទះ និងអគារផ្សេងៗទៀត ក្នុងតម្លៃប៉ាន់ស្មាន២១,៧លានដុល្លារអាមេរិក ។ យោងតាមទីភ្នាក់ងារសារព័ត៌មានរដ្ឋ Telam គំនិតផ្តួចផ្តើមនេះគឺជាផ្នែកមួយនៃគម្រោងថាមពលកកើតឡើងវិញរបស់ប្រទេសអាហ្សង់ទីនសម្រាប់តំបន់ជនបទ (Pemer)...
