ព័ត៌មានអន្តរជាតិ
UN ៖ កំណើនសេដ្ឋកិច្ចពិភពលោកក្នុងឆ្នាំ២០២៥ នឹងកើនឡើង ២,៨ភាគរយ
អ.ស.ប៖ យោងតាមរបាយការណ៍របស់អង្គការសហប្រជាជាតិ (UN) ចេញផ្សាយកាលពីថ្ងៃព្រហស្បតិ៍បានឲ្យដឹងថា កំណើនសេដ្ឋកិច្ចពិភពលោកត្រូវបានព្យាករណ៍ថា នឹងនៅតែមានកម្រិត ២,៨ភាគរយនៅក្នុងឆ្នាំ២០២៥នេះ ដែលមិនផ្លាស់ប្តូរពីឆ្នាំមុននោះទេ ។ ទោះបីជាអតិផរណាបានថយចុះ ការកែលម្អលក្ខខណ្ឌទីផ្សារការងារ និងការធ្លាក់ចុះតម្លៃរូបិយវត្ថុក៏ដោយ កំណើនពិភពលោកត្រូវបានគេព្យាករណ៍ថា នឹងនៅតែទាបជាងល្បឿនដែលបានឃើញនៅមុនពេលជំងឺឆ្លងរាតត្បាត ហើយសេដ្ឋកិច្ចពិភពលោកនៅតែបន្តប្រឈមមុខនឹងភាពមិនច្បាស់លាស់សំខាន់ៗ របាយការណ៍ស្តីពីស្ថានភាពសេដ្ឋកិច្ចពិភពលោក និងទស្សនវិស័យឆ្នាំ២០២៥ របស់អង្គការសហប្រជាជាតិបានឲ្យដឹងដូច្នេះ ។ នៅក្នុងរបាយការណ៍បានព្យាករណ៍ឲ្យដឹងថា សេដ្ឋកិច្ចពិភពលោកនឹងកើនឡើង២,៩ភាគរយនៅក្នុងឆ្នាំ ២០២៦ខាងមុខ...
