ព័ត៌មានអន្តរជាតិ
ហ្វាំងឡង់ទទួលបានការ យល់ព្រមឲ្យទិញ យន្តហោះចម្បាំងF-35 ចំនួន៦៤គ្រឿង ក្នុងកិច្ចព្រមព្រៀងជាង១២ពាន់លានដុល្លារ
បរទេស៖ ក្រសួងការបរទេសសហរដ្ឋអាមេរិក តាសមេចក្តីរាយការណ៍ នាពេលថ្មីៗនេះ បានអនុម័តយល់ព្រមលើការទិញមានទំហំទឹកប្រាក់១២,៥ពាន់លានដុល្លារពីប្រទេសហ្វាំងឡង់ សម្រាប់យន្តហោះចម្បាំង F-35 ចំនួន៦៤គ្រឿង រួមទាំងគ្រាប់និងសម្ភារៈពាក់ព័ន្ធនានា។ ការអនុម័ត ដែលជាការជូនដំណឹងមួយដល់រដ្ឋសភានោះ គឺធ្វើឡើងតាមសំណើក្នុងខែមេសារបស់ក្រសួងការពារជាតិហ្វាំងឡង់ ដែលសុំទិញយន្តហោះចម្បាំងទាំងនោះ តាមរយៈទីភ្នាក់ងារសហប្រតិបត្តិការសន្តិសុខការពារជាតិ ដែលជាទីភ្នាក់ងារមួយរបស់ក្រសួងការពារជាតិអាមេរិក ទទួលបន្ទុកក្នុងកិច្ចការលក់សម្ភារៈយោធាឲ្យបរទេស។ តាមសេចក្តីរាយការណ៍ បញ្ជីសម្ភារៈដែលបញ្ជាទិញនោះ រួមមានយន្តហោះផលិតដោយក្រុមហ៊ុនការពារជាតិអាមេរិក Lockheed Martin ម៉ាស៊ីនសម្រាប់ផ្លាស់ប្តូរចំនួនពីរ...
