ព័ត៌មានអន្តរជាតិ
ឡាវ ជិតបើកដំណើរការកន្លែងផលិតអគ្គិសនីដើរដោយខ្យល់ ដ៏ធំបំផុតនៅអាស៊ីអាគ្នេយ៍
ប្រទេសឡាវកំពុងឈានជិតដល់ការបើកដំណើរការកន្លែងផលិតអគ្គិសនីដើរដោយខ្យល់ ដំបូងរបស់ខ្លួន និងធំបំផុតនៅតំបន់អាស៊ីអាគ្នេយ៍ ដែលគេរំពឹងថានឹងចាប់ផ្តើមដំណើរការនៅចុងឆ្នាំ២០២៥នេះ។ គម្រោងនេះត្រូវបានគេស្គាល់ថាជា “គម្រោងថាមពលខ្យល់មូសុង” ដែលមានថាមពល ៦០០ មេហ្គាវ៉ាត់ និងមានទីតាំងនៅខេត្តសេកុង និងខេត្តអាត់តាពឺ ភាគខាងត្បូងនៃប្រទេសឡាវ។ គម្រោងនេះបានបញ្ចប់ការដំឡើងទួរប៊ីនខ្យល់ចំនួន ១៣៣ គ្រឿងរួចរាល់ហើយ ដែលជាសមិទ្ធផលដ៏សំខាន់មួយសម្រាប់ប្រទេសឡាវ និងតំបន់អាស៊ានទាំងមូល។ គម្រោងនេះមានតម្លៃវិនិយោគប្រមាណ ៩៣០ លានដុល្លារអាមេរិក និងគ្របដណ្តប់លើផ្ទៃដី ៦៨,០០០...
