ខ្សែប្រយុទ្ធស៊ុយអែតកីឡាករ Zlatan Ibrahimovic បានធ្វើកាយវិការចាប់ប្រដាប់របស់ខ្លួននៅចំពោះមុខអ្នកគាំទ្រ Los Angels FC ក្រោយពីក្លឹប LA Galaxy ចាញ់ក្នុងប្រកួតវគ្គពាក់កណ្ដាលផ្ដាច់ព្រ័ត្រនៃ Play-Off ដណ្ដើមពាន MLS។
នៅពេលដែលខ្សែប្រយុទ្ធរូបនេះ ដើរចេញពីទីលានក្នុងគោលបំណងចូលក្នុងកីឡដ្ឋានវិញ។ ពេលនោះស្រាប់តែមានអ្នកគាំទ្រ LAFC មួយចំនួន មកអបអរជ័យជម្នះឌឺ Zlatan។ ពេលនោះ Zlatan ក៏បន្ថយល្បឿន ហើយក៏ចាប់អាអូនតូចរបស់ខ្លួន មុននឹងដើរចូលទៅក្នុង។
ក្រោយមក Zlatan បាននិយាយប្រាប់អ្នកសារព័ត៌មានថា៖ ” បើខ្ញុំចាកចេញពី LA Galaxy នោះនឹងគ្មាននរណាចាប់អារម្មណ៍ពី MLS ទេ។ បើខ្ញុំនៅវិញ ពិភពលោកទាំងមូលនឹងមើល MLS។ ខ្ញុំធ្វើឲ្យគ្រប់គ្នាល្បី ដូច្នេះគ្រប់គ្នាត្រូវតែសប្បាយចិត្ត។ កីឡាដ្ឋាននេះតូចពេកហើយ ខ្ញុំធ្លាប់តែលេងដោយមានមនុស្ស ៨ម៉ឺននាក់។ លេងនៅនេះ ដូចដើរក្នុងសួនច្បារ ” ។
ប្រភព៖ news.sabay.com.kh
