ណារ៉ា៖ប៉ូលីសបាននិយាយថា ម្ចាស់មេដាយអូឡាំពិកជនជាតិជប៉ុនម្នាក់ត្រូវបានបញ្ជូនទៅកាន់រដ្ឋអាជ្ញាកាលពីថ្ងៃអង្គារពីបទបង្កគ្រោះថ្នាក់ចរាចរណ៍បណ្តាលឲ្យមនុស្ស៦នាក់រងរបួស និងរត់ចេញពីកន្លែងកើតហេតុដើម្បីចៀសវាងការចោទប្រកាន់ពីបទបើកបរពេលស្រវឹងយោងតាមការចេញផ្សាយពីគេហទំព័រជប៉ុនធូដេ។
កីឡាករ Taku Hiraoka អាយុ ២៤ ឆ្នាំជនជាតិជប៉ុនបានឈ្នះមេដាយសំរឹទ្ធក្នុងការប្រណាំងស្គីទឹកកកផ្នែកបុរសក្នុងព្រឹត្តិការណ៍អូឡាំពិករដូវរងារឆ្នាំ២០១៤ នៅទីក្រុងសូជី ប្រទេសរុស្ស៊ីត្រូវបានគេសង្ស័យថា បណ្តាលឲ្យរងរបួសដោយសារការធ្វេសប្រហែស និងការគេចពីការធ្វើតេស្តជាតិអាល់កុលក៏ដូចជាការបំពានច្បាប់ចរាចរណ៍រួមទាំងកាតព្វកិច្ចផងដែរ។
លោក Hiraoka ត្រូវបានគេចោទប្រកាន់ថា កំពុងបើកបរប្រហែលម៉ោង៩ និង ៥៥ នាទីព្រឹកថ្ងៃទី ២៩ ខែកញ្ញានៅ Katsuragi ខេត្ត Nara ក្រោមឥទិ្ធពលគ្រឿងស្រវឹង ហើយបានរត់គេចចេញពីកន្លែងកើតហេតុបន្ទាប់ពីបានបុករថយន្តធន់តូចមួយគ្រឿងបណ្តាលឲ្យរងរបួសស្រាលចំពោះអ្នកបើកបរស្រីអាយុ ៤០ ឆ្នាំ និង៥ នាក់ទៀតនៅចន្លោះអាយុ ៤ ឆ្នាំនិង ៨៥ ឆ្នាំដែលនៅក្បែរកន្លែងកើតហេតុ។
យោងតាមប៉ូលីសបានឲ្យដឹងថា ព្រឹត្តិការណ៍ប្រមូលផ្តុំរថយន្តបែបបុរាណមួយដើម្បីលើកកម្ពស់យុទ្ធនាការសុវត្ថិភាពចរាចរណ៍ផ្លូវគោករបស់ប្រទេសកំពុងត្រូវបានធ្វើឡើងនៅក្បែរពេលមានគ្រោះថ្នាក់។ សាក្សីឃើញផ្ទាល់ភ្នែកឈ្មោះ Hiraoka ដែលជាអ្នកបើកបររថយន្តរត់គេចខ្លួនដោយសាក្សីបានឃើញផ្ទាល់ភ្នែកបានប្រាប់ប៉ូលីសថាគាត់កំពុងបើកឡានពេលក្រឡេកមើលហ្វូងមនុស្ស។
Hiraoka បានសារភាពថា បានបង្កការគ្រោះថ្នាក់នេះ ប៉ុន្តែមិនត្រូវបានចាប់ខ្លួនទេ បន្ទាប់ពីប៉ូលីសបានចាត់ទុកថា លោកមិនមែនជាគ្រោះថ្នាក់នៃការបើកបរ។ មេធាវីរបស់លោកបាននិយាយថា Hiraoka បានផឹកនៅក្នុងខេត្ត Osara ជិតខាងរបស់ Nara ជាមួយមិត្តភក្តិកាលពីយប់មុនពេលគ្រោះថ្នាក់ហើយបានដេករយៈពេល ៥ ម៉ោងមុនពេលបើកបរ។
ស្រាត្រូវបានគេរកឃើញនៅក្នុងការធ្វើតេស្តិ៍ខ្យល់នៅពេលប៉ូលីសបានសាកសួរលោកនៅថ្ងៃគ្រោះថ្នាក់។លោកកំពុងស្នាក់នៅផ្ទះឪពុកម្តាយរបស់លោកនៅ Gose ខេត្ត Nara នៅពេលនោះ៕ដោយ៖លី ភីលីព
