បរទេស:កីឡាករខ្សែបម្រើរបស់ក្លឹបយក្សអេស្បាញReal Madridកីឡាករ James Rodriguezត្រូវបានប្រកាសឈ្មោះកាលពីថ្ងៃអង្គារម្សិលមិញនៅក្នុងបញ្ជីក្រុមបាល់ទាត់ជម្រើសជាតិកូឡុំប៊ីសម្រាប់ការប្រកួតមិត្តភាពជាមួយប្រទេសប៉េរូនិងអេក្វាឌ័រដែលនឹងប្រារព្ធឡើងនៅក្នុងខែវិច្ឆិកាខាងមុខនេះ។
កីឡាករវ័យ ២៨ ឆ្នាំរូបនេះមិនបានលេង ឲ្យ ក្រុមជម្រើសជាតិឡើយគិតចាប់តាំងពីពួកគេបានចាញ់ក្រុមជម្រើសជាតិឈីលីក្នុងវគ្គ ៨ ក្រុមចុងក្រោយនៃព្រឹត្តិកាណ៍ពានរង្វាន់Copa Americaកាលពីខែមិថុនា។
Jamesមិនត្រឹមតែប៉ុណ្ណោះក៏ខកខានការប្រកួតមិត្តភាពរបស់ក្រុមជាមួយប្រេស៊ីល ក្នុងលទ្ធផល២ស្មើប្រកួតនឹងវេណេហ្ស៊ុយអេឡាលទ្ធផល០ស្មើកាលពីខែកញ្ញាដោយសាររបួសសាច់ដុំជើងផងដែរ។
បើទោះបីជាយ៉ាងណាក្តីរូបគេបានវិលត្រឡប់មកជួយក្លឹបReal Madrid ហើយអតីតកីឡាករឆ្នើមរបស់ក្លឹបBayern Munichរដូវកាលមុនរូបនេះ ក៏នៅតែមិនមានឈ្មោះនៅក្នុងក្រុមជម្រើសជាតិកូឡុំប៊ីម្តងទៀតសម្រាប់ការប្រកួតមិត្តភាពកាលពីដើមខែនេះដោយលទ្ធផលស្មើ ០-០ ជាមួយឈីលីនិងចាញ់អាល់ហ្សេរី ៣-០ដែរ៕
ប្រែសម្រួល:ស៊ុនលី
