The Sunsportsចេញផ្សាយនៅថ្ងៃព្រហស្បតិ៍ទី៧ខែវិច្ឆិកានេះបានឲ្យដឹងថាអតីតកីឡាកររកបានគ្រាប់បាល់បានច្រើនបំផុតសម្រាប់ជម្រើសជាតិអង់គ្លេសកីឡាករWayne Rooneyបានធ្វើដំណើរមកដល់ក្លឹបDerbyហើយកាលពីថ្ងៃអង្គារដើម្បីជួបជាមួយនឹងក្រុមថ្មីរបស់ខ្លួន។
ក្នុងនោះកីឡាកររូបនេះនឹងទទួលបានប្រាក់កម្រៃប្រមាណជា១០ម៉ឺនផោនក្នុងមួយសប្តាហ៍ក្នុងនាមជាកីឡាករផងជាគ្រូបង្វឹកផងរបស់ក្លឹប។Rooneyវ័យ៣៤ឆ្នាំនឹងបន្តលេងជាកីឡាករហូតដល់ខែមករាទើបក្លាយខ្លួនទៅជាគ្រូបង្វឹករបស់ក្លឹប។
Rooneyបានបន្តអាជីពនៅអាមេរិកជាមួយនឹងក្លឹបDC Unitedបាន២រដូវកាលហើយក៏បញ្ចប់កុងត្រាកាលពីខែតុលាកន្លងទៅនេះដើម្បីត្រឡប់មកអង់គ្លេសវិញ។
ការបង្ហាញខ្លួននៅអាមេរិកRooneyធ្វើបាន២៥គ្រាប់ក្នុងការប្រកួតទាំង៥២ដងហើយការត្រឡប់មកធ្វើការនៅDerbyនេះកីឡាកររូបនេះទទួលបានកុងត្រាប្រមាណជា១ឆ្នាំកន្លះផងដែរ៕
ប្រែសម្រួល:ស៊ុនលី
