Vincent Kompany ទទូចឲ្យ Pep Guardiola ទិញខ្សែការពារឲ្យខាន តែបាននៅខែមករាខាងមុខនេះដើម្បីដោះស្រាយ វិបត្តិក្លឹបកំពុងជួបប្រទះ។
City មិនទាន់បានទិញខ្សែការពារកណ្ដាលល្អណាមួយមកវិញទេចាប់តាំងពី Kompany ចាកចេញកាលពីរដូវកាលមុនខណៈ Aymeric Laporte មានរបួសជង្គង់ធ្ងន់ធ្ងរតាំងពីខែកញ្ញាត្រូវសម្រាកព្យាបាលយ៉ាងហោចណាស់២ខែទៀតទើបអាចចូលលេងវិញបាន។
Guardiola បច្ចុប្បន្ននៅសល់ខ្សែការពារកណ្ដាលតែពីររូបប៉ុណ្ណោះគឺ John Stones និង Nicolas Otamendi រហូតធ្វើឲ្យរូបលោកពេលខ្លះត្រូវបង្ខំចិត្តទម្លាក់ Fernandinho ឲ្យលេងជាខ្សែការពារវិញ។ ទាំងនេះជាមូលហេតុដែល Kompany ដាស់តឿនអតីតអ្នកចាត់ការរបស់ខ្លួន៕
ប្រភព៖news.sabay.com.kh
