លោក Felix គ្រូបង្វឹកក្រុមជម្រើសជាតិកម្ពុជា បានបញ្ជាក់ថាក្រុមទាំងមូលបានត្រៀមខ្លួនរួចហើយសម្រាប់ការប្រកួតនេះ ដោយក្រុមមានស្មារតីល្អ និងមានឆន្ទៈមោះមុត។
កម្ពុជា ត្រូវតតាំងជាមួយក្រុមហុងកុងនៅម៉ោង៧ល្ងាចនេះ វគ្គជម្រុះពានរង្វាន់ FIFA World Cup 2022 នៅហុងកុង។ ការប្រកួតនេះដែរ នឹងស្វិតស្វាញសម្រាប់ក្រុមទាំងពីរ ត្បិតអីប្រកួតទី១កន្លងទៅនៅទឹកដីកម្ពុជា គឺស្មើគ្នា ១-១ ប៉ុណ្ណោះ។ ដោយឡែកសម្រាប់លោក Felix ក៏បានបង្ហាញចំណាប់អារម្មណ៍ដែរថាក្រុមកម្ពុជាត្រៀមជាស្រេចនិងបានល្អសម្រាប់លេងទល់ម្ចាស់ផ្ទះហុងកុង។
គ្រូបង្វឹកសញ្ជាតិអាហ្សង់ទីននេះ បានបន្ថែមថា ស្មារតីរបស់ក្រុមល្អ និងមានឆន្ទៈមោះមុតចំពោះការប្រកួតល្ងាចនេះ ស្របពេលក្រុមទាំងពីរសុទ្ធតែត្រូវការ៣ពិន្ទុដូចគ្នា ដូច្នេះវានឹងក្លាយជាប្រកួតជក់ចិត្តមិនខាន៕
ប្រភព៖Sabay
