ញូវយ៉ក៖ ក្រុមមេធាវីសម្រាប់ការហាមឃាត់ការប្រើប្រាស់សារធាតុហាមឃាតក្នុងកីឡាលោក Grigory Rodchenkov បានអំពាវនាវឲ្យគណៈកម្មាធិការអូឡាំពិកអន្តរជាតិប្រកាន់ជំហរតឹងរ៉ឹងប្រឆាំងនឹងប្រទេសរុស្ស៊ីជានិច្ចយោងតាមការចេញផ្សាយពីគេហទំព័រជប៉ុនធូដេ។
នៅក្នុងសេចក្តីថ្លែងការណ៍មួយមេធាវីលោក Jim Walden និង Avni Patel បាននិយាយថា កិច្ចប្រឹងប្រែងរបស់រុស្ស៊ីក្នុងការក្លែងបន្លំទិន្នន័យបានប្រគល់ទៅឲ្យអ្នកស៊ើបអង្កេត WADA គឺជាផ្នែកមួយនៃគោលនយោបាយបោកបញ្ឆោតដែលអាចព្យាករណ៍បាន និងគួរឲ្យស្អប់ខ្ពើម។ ក្រុមមេធាវីបាននិយាយថា វិមានក្រឹមឡាំងត្រូវតែគិតថា ប្រជាជនពិភពលោក គឺជាមនុស្សវង្វេងស្មារតីក្នុងការជឿលើភាពក្រអឺតក្រទម និងតម្លាភាពនេះ។
WADA គួរតែត្រូវបានគេសាទរចំពោះការបង្ហាញពីឧក្រិដ្ឋកម្មចុងក្រោយរបស់ប្រទេសរុស្ស៊ី ប៉ុន្តែប្រសិនបើ IOC និងក្របខណ្ឌបទប្បញ្ញត្តិកីឡាអន្តរជាតិផ្តល់ឲ្យប្រទេសរុស្ស៊ីនូវការឆ្លងកាត់ដោយសេរីមួយផ្សេងទៀតប្រទេសដទៃទៀតនឹងដើរតាមគន្លងរបស់ពួកគេ។
លោកWalden និងលោក Patel តំណាងឲ្យ Rodchenkov ដែលជាអតីតប្រធានមន្ទីរពិសោធន៍ប្រឆាំងគ្រឿងញៀនរបស់រុស្ស៊ីដែលកំពុងរស់នៅលាក់ខ្លួននៅសហរដ្ឋអាមេរិក បន្ទាប់ពីលើកគំរបលើរឿងអាស្រូវគ្រឿងញៀនកាលពីឆ្នាំ ២០១៥ ។
មេធាវី Rodchenkov ក៏បាននិយាយផងដែរថារដ្ឋាភិបាលនីមួយៗគួរតែអនុម័តច្បាប់ដើម្បីធ្វើឱ្យគ្រឿងញៀនក្លាយជាឧក្រិដ្ឋកម្ម។ ក្រុមមេធាវីបានបន្តថា រដ្ឋាភិបាលនៅទូទាំងពិភពលោកចាំបាច់ត្រូវអនុម័តច្បាប់ដែលមានឥទ្ធិពលដែលកំណត់ការក្លែងបន្លំសារធាតុហាមឃាតក្នុងកីឡាក្នុងគោលបំណងបញ្ឈប់ឥរិយាបទព្រហ្មទណ្ឌដ៏គ្រោះថ្នាក់នេះ៕ដោយ៖លី ភីលីព
