ភ្នំពញ៖ អ្នកប្រដាល់កូយឡាយក្លិបទ័ពឆ័ត្រយោង ៩១១ បានក្លាយជាជើងឯកក្នុងព្រឹត្តិការណ៍TV5 Boxing Knock-Out Serie by K-Cement នាយប់ថ្ងៃទី៧ ខែធ្នូ បន្ទាប់ពីយកឈ្នះអ្នកប្រដាល់ព្រឿង សុជាតិ ក្លិបកងពលធំអន្តរាគមន៍លខ២ដោយពិន្ទុ ។
ការប្រកួតពិតជាមានលក្ខណៈតឹងតែងមែន តែស្ថានភាពនៃការប្រកួតកូយ ឡាយមានប្រៀបលើសុជាតិភាគច្រើន ព្រោះស្ថិតិនៃការវ៉ៃចេញប្រហាក់ប្រហែលគ្នា តែការវ៉ៃចេញរបស់កូយឡាយមានប្រសិទ្ធិភាពជាង ។ អ្នកប្រដាល់ទាំង២រូបនេះ ប្រកួតគ្នាពេញទឹកតែម្ដងលទ្ធផលចុងក្រោយ កូយឡាយបានទទួលជ័យជម្នះលើ ព្រឿង សុជាតិ ដោយពិន្ទុក្នុងលទ្ធផល៣ទល់២ គឺចៅក្រម៣រូបផ្ដល់ពិន្ទុឲ្យ កូយ ឡាយឈ្នះ និង ២រូបផ្ដល់ពិន្ទុឲ្យសុជាតិឈ្នះ ។
កូយ ឡាយដែលជាអ្នកលើកពានព្រឹត្តិការណ៍ TV5 Boxing Knock-Out Serie by K-Cement ក្រៅពីពានគេបានទទួលប្រាក់រង្វាន់ អមចំនួន៤.០០០ដុល្លារ ចំពោះសុជាតិ ជាប់ចំណាត់ថ្នាក់លេខ២បានរង្វាន់អមចំនួន ២.០០០ដុល្លារ ។
ចំណែកការប្រកួតដណ្ដើមចំណាត់ថ្នាក់លេខ៣វិញនោះ សូត្រ ខេវិន ក្លិបបក្សីស្លាបដែក បានយកឈ្នះអ្នកប្រដាល់ទូច ដេវីដក្លិបអារុណរះកីឡាដោយពិន្ទុ ។ការប្រកួតរវាងអ្នកប្រដាល់ទាំង២រូបនេះក៏មានលក្ខណៈតឹងតែងដែរគឺខេវិនយកឈ្នះដេវីដក្នុងលទ្ធផល៣ទល់៣ប៉ុណ្ណោះដោយចៅក្រម៣រូបផ្ដល់ពិន្ទុឲ្យខេវិនឈ្នះនិង ២រូបផ្ដល់ពិន្ទុ ឲ្យដេវីដឈ្នះ ។
ខេវិនដែលបានចំណាត់ថ្នាក់លេខ ៣ បានទទួលប្រាក់រង្វាន់លើកទឹកចិត្តចំនួន៧៥០ ដុល្លារ ចំពោះទូច ដេវីដបានទទួលរង្វាន់លួងចិត្តចំនួន ៥០០ ដុល្លារដែរ៕ដោយ៖លី ភីលីព
