ជាអត្ថបទដ៏គួរឲ្យចាប់អារម្មណ៍មួយ នៅពេលដែលកាសែតអង់គ្លេស The Mirror ចេញផ្សាយនៅថ្ងៃអាទិត្យបានសរសេរថា ក្រុមគណកម្មការរបស់ក្លឹបបិសាចក្រហម Man United ត្រូវបានគេជឿជាក់ថាកំពុងធ្វើការស៊ើបសួរ និងសុំយោបល់ពីកីឡាករជាច្រើន ក្នុងការសម្រេចចិត្តថាតើគួរតែបញ្ចប់តំណែង របស់លោក Solskjare ឬយ៉ាងណា។
ប៉ុន្តែជាលទ្ធផលមានកីឡាករភាគច្រើន បានបន្តការគាំទ្រនិងសំណូមពរ មិនឲ្យប្រធានក្លឹបធ្វើការសម្រេចចិត្តបណ្តេញលោក Solsjkaer ឡើយទោះបីជាការដឹកនាំរបស់លោក កំពុងស្ថិតនៅក្នុងស្ថានភាពដ៏យ៉ាប់យ៉ឺនបំផុត មិនធ្លាប់មានក្នុងប្រវត្តិសាស្ត្រ របស់ក្លឹបគិតចាប់តាំងតែពីឆ្នាំ១៩៨៩ក្តី។
ជ័យជំនះចុងក្រោយមិនទាន់បានធ្វើឲ្យ Man United ស្ថិតនៅក្នុងភាពល្អប្រសើរឡើងទោះបីជាកន្លងមកលោក Soslkjaer ដឹកនាំក្រុមយកឈ្នះក្រុមខ្លាំងដូចជា Arsenal, Spurs, Chelsea, ស្មើ Liverpool និងចុងក្រោយឈ្នះ Man City ក្តីប៉ុន្តែពិន្ទុបច្ចុប្បន្នគឺបានធ្វើឲ្យក្រុម ត្រឹមបានស្ថិតនៅក្នុងចំណាត់ថ្នាក់ លេខរៀងទី៥នៅឡើយ៕
ប្រែសម្រួល:ស៊ុនលី
