GENEVA៖ តុលាការ អាជ្ញាកណ្តាលកីឡា (CAS) បាននិយាយនៅ ថ្ងៃអង្គារនេះថា សាលក្រមរបស់ខ្លួនលើករណីដែល នាំដោយ ទីភ្នាក់ងារប្រឆាំងការប្រើប្រាស់ សារធាតុហាមឃាតក្នុងកីឡាពិភពលោក (WADA) ប្រឆាំងនឹងកីឡាករហែល ទឹកចិនគឺ Sun Yang មិនត្រូវបានគេរំពឹងទុកនៅមុនពាក់កណ្តាល ខែមករាឆ្នាំ ២០២០ ។
នៅក្នុងការចេញផ្សាយ ប្រព័ន្ធផ្សព្វផ្សាយ CAS បាននិយាយថា គ្រប់ភាគីទាំងអស់ កំពុងរៀបចំប្រតិចារិកនីតិវិធី ជាលាយលក្ខណ៍ អក្សររួមទាំងការបកប្រែពេញលេញ នៃសក្ខីកម្មរបស់ Sun Yang នៅសវនាការ ជាសាធារណៈមួយដែលបាន ធ្វើឡើងនៅ ទីក្រុងម៉ុងរេរ៉េស ប្រទេសស្វីសនៅថ្ងៃទី ១៥ ខែវិច្ឆិកា ដែលCAS នឹងយោងនៅពេលពិភាក្សា និងរៀបចំសាលក្រម។
ការជជែកដេញដោលក្នុងបន្ទប់ សវនាការនៅថ្ងៃទី១៥ ខែវិច្ឆិកា ត្រូវបានរំខាន ដោយការបកស្រាយមិនល្អនៃសក្ខីកម្មរបស់ Sun Yang និងសាក្សីរបស់លោក។ មេធាវីរបស់ ភាគីទាំងសង្ខាងត្រូវសួរសំណួរ របស់ពួកគេម្តង ហើយម្តងទៀត និងរំខានដល់សក្ខីកម្មរបស់សាក្សីជាលទ្ធផលនៃការបកស្រាយ មិនពេញលេញ និងមិនត្រឹម ត្រូវរវាង ភាសាចិន និងអង់គ្លេស។
CAS បានសង្កត់ធ្ងន់នៅក្នុងការ ចេញផ្សាយរបស់ខ្លួនថា ទោះបីជាភាគីនៅតុលាការ ត្រូវបានអនុញ្ញាតឲ្យប្រើប្រាស់ ភាសាផ្សេងក្រៅពីអង់គ្លេសក៏ដោយ CAS នៅតែមិន អាចជួលអ្នកបកប្រែខាងក្រៅសម្រាប់ហេតុផល ឯករាជ្យនិង អព្យាក្រឹតភាព។ ហើយថា ជម្រើស និងថ្លៃសេវានៃការបកប្រែត្រូវបានចុះ ដោយភាគីពាក់ព័ន្ធ៕
