The Mirror នៃចក្រភពអង់គ្លេសចេញផ្សាយ នៅថ្ងៃព្រហស្បតិ៍ទី១២ ខែធ្នូនេះបានសរសេរថា ក្លឹបហង្សក្រហម Liverpool កំពុងតែបានត្រៀមសំណើ មួយក្នុងការនាំយកកីឡាករល្អម្នាក់ របស់ក្លឹបRed Bull Salzburg មកកាន់ Anfield ក្រោយចាប់អារម្មណ៍ខ្លាំង ទៅលើទំរង់លេងរបស់គេ ក្នុងការប្រកួតគ្នាកន្លងមក។
Takumi Minamino នឹងក្លាយទៅជាកីឡាករថ្មីរបស់ Liverpool ក្នុងខែមករានេះប្រសិនបើការចចារ ដែលជឿជាក់ថា មានតម្លៃត្រឹមតែ៧,៧៥លានផោន នឹងអាចធ្វើឡើង បានជោគជ័យ។ Minamino ត្រូវបានគេមើលឃើញថា ជាកីឡាករអាចប្រយុទ្ធបានទាំងស្លាបឆ្វេងនិងស្តាំក៏ដូចជា បម្រើប្រយុទ្ធនិងប្រយុទ្ធកណ្តាលផងដែរ។
Minamino វ័យទើបតែ២៤ឆ្នាំ ជនជាតិជប៉ុនក៏ធ្លាប់ ស៊ុតបញ្ចូលទីរបស់ Liverpool ផងដែរកាលពី ដើមរដូវកាលកន្លងមក និងក៏ធ្លាប់មានឈ្មោះជាកីឡាករល្អបំផុត ប្រចាំសប្តាហ៍ ក្នុងលីកកំពូលរបស់ ប្រទេសអូទ្រីសនាពេលកន្លង មកផងដែរ៕
ប្រែសម្រួល:ស៊ុនលី
