ទីបំផុតក្រោយព័ត៌មាន ចចាមអារ៉ាម គ្រូបង្វឹកក្លឹបហង្សក្រហម Liverpool លោក Jurgen Klopp បានធ្វើការប្រកាសអះអាង ពីការមកដល់របស់ កីឡាករអន្តរជាតិជប៉ុន Takumi Minamino ក្នុងតម្លៃខ្លួនផ្ទេរ ត្រឹមតែ៧,២៥ លានផោនប៉ុណ្ណោះពីក្លឹបអូទ្រីស RB Salzburg។
កីឡាករខ្សែបម្រើប្រយុទ្ធឆ្នើម វ័យទើបតែ២៤ឆ្នាំរូបនេះ ជាក់ស្តែងក៏ស្ថិតនៅក្នុងបញ្ជីឈ្មោះកីឡាករ សំខាន់ៗដែលក្លឹបបិសាចក្រហម Man United ត្រៀមទិញយកមក រួមក្លឹបផងដែរ ពេលដែលទីផ្សារដោះដូរកីឡាករ ត្រូវបានបើកជាផ្លូវការនាខែមករាខាងមុខ។
តាមយោងតាម ការចេញផ្សាយ របស់ The Goal បានអះអាងថាដំណឹងនេះពិតជា បានធ្វើឲ្យមានការភ្ញាក់ផ្អើល យ៉ាងខ្លាំងដល់ប្រធាន ក្លឹបបិសាចក្រហម Man United លោក Ed Woodward ដោយអះអាងថា បុរសរូបនេះមិនបាន ដឹងទាល់តែសោះថាតម្លៃខ្លួន របស់កីឡាករមាន ក្នុងកម្រិតបែបនេះនោះ៕
ប្រែសម្រួល:ស៊ុនលី
