The Sunsports ចេញផ្សាយនៅថ្ងៃពុធទី២៥ខែធ្នូនេះ បានសរសេរថាក្លឹបកាំភ្លើងធំArsenalក្រោមការដឹកនាំរបស់លោក Mikel Arteta ពេលនេះបានធ្វើការប្រកាសបុគ្គលផ្សេងទៀតដែលស្ថិតនៅ ក្នុងក្រុមការងារគ្រូបង្វឹកថ្មីនេះ ហើយជាពិសេសជំនួយការគ្រូបង្វឹកដ៏ជំនាញចំនួន៣រូប។
ប្រភពដដែលបានសរសេរទៀតថា ដូចដែរការរំពឹងទុកពីសំណាក់ អ្នកគាំទ្ររបស់ក្លឹបដោយក្នុងនោះអតីតគ្រូបង្វឹកបណ្តោះអាសន្ន លោក Freddie Ljunberg នឹងបន្តការងារជាមួយនឹងក្លឹបដដែលខណៈដែលលោកArtetaនឹងបន្ថែមលោក Albert Stuivenberg ព្រមទាំងលោក Steve Round ជាជំនួយគ្រូបង្វឹកដូចគ្នា។
បុរសទាំង៣សុទ្ធតែជាមនុស្ស ដែលមានគុណភាពបំផុតក្នុងនោះដូចជាលោក Stuivenberg ដែលបច្ចុប្បន្នជាជំនួយការគ្រូបង្វឹកជម្រើសជាតិ វេលផងនិងធ្លាប់ជាជំនួយការគ្រូបង្វឹកនៅឯក្លឹបបិសាចក្រហម Man United ផងនិងធ្លាប់ជាគ្រូបង្វឹករបស់ក្លឹបប៊ែលហ្ស៊ិកGenkផង៕
ប្រែសម្រួល:ស៊ុនលី
