ប្រព័ន្ធផ្សព្វផ្សាយក្នុងស្រុកប្រកាស នៅថ្ងៃព្រហស្បតិ៍នេះថាក្លឹបថ្មី Inter Miami របស់លោក David Beckham ទីបំផុតអាចចុះកុងត្រា នាំយកខ្សែការពារ Denso Ulysse និងអ្នកចាំទី Drake Callenderមករួមក្លឹបបន្ថែមទៀតហើយ ។
កីឡាករអន្តរជាតិហៃទីUlysse អាយុ២១ឆ្នាំកាលពីរដូវកាលមុនបានលេង ជាមួយម្ចាស់ជើងឯក USL Tacoma Defiance ដែលជាក្លិបសម្ព័ន្ធមួយ នៅក្រោមក្លឹបនៅលីកកំពូលអាមេរិកដែរដែលមានឈ្មោះថា Seattle Sounders ។
លោក Paul McDonough នាយកផ្នែកកីឡាអន្តរជាតិ បាននិយាយថាយើងសប្បាយចិត្តណាស់ក្នុងការបន្ថែមកីឡាករម្នាក់ ដែលមានសក្តានុពល សម្រាប់ត្រៀមរដូវកាលដំបូងរបស់យើង។ចំណែកឯ Callender ដែលមានអាយុ ២២ ឆ្នាំជាកីឡាករដែលបានផ្ទេរមកពីក្លឹប San Jose Earthquakes ដែលស្ថិតនៅក្នុងលីកកំពូលអាមេរិក MLSដូចគ្នាដែរ ៕
ប្រែសម្រួល:ស៊ុនលី
