The Sunsports ចេញផ្សាយនៅថ្ងៃសៅរ៍ទី២៨ ខែធ្នូនេះបានឲ្យដឹងថា ក្រោយការមកដល់ របស់គ្រូបង្វឹកលោក Jose Mourinho នោះមានន័យថា ការដោះដូរគ្នា រវាងកីឡាករ Gareth Bale និងកីឡាករ Christian Eriksen ក៏នឹងអាចធ្វើទៅរួចផងដែរ នាពេលខាងមុខនេះ។
ធ្លាប់តែរាល់ដង Real Madrid ជាអ្នកដាក់សំណើរសុំទិញ Eriksen ពីSpurs ប៉ុន្តែពេលនេះក្លឹប Spurs បានធ្វើការផ្តល់សំណើ ជាទឹកប្រាក់ប្រមាណ ជា២៥,៧លានផោន និងបូករួមទាំងកីឡាករ Eriksen រូបនេះផង ដើម្បីទាក់ចិត្តផ្ទេរយក Gareth Bale មកក្លឹបចាស់របស់គេវិញ។
ទាំងកីឡាករGareth Bale និង Eriksen កន្លងសុទ្ធតែបានបង្ហាញ ពីបំណងចង់ចេញពីក្លឹប ដូចគ្នាហើយជាពិសេស Bale វ័យ៣០ឆ្នាំ នៅពេលចុងក្រោយនេះ បានសរសើរ និងបានបង្ហាញអារម្មណ៍ មោទនភាពយ៉ាងខ្លាំង ចំពោះវត្តមាន របស់លោក Mourinho ជាមួយនឹងក្លឹប Spurs៕ ប្រែសម្រួល:ស៊ុនលី
