បរទេស: ក្លឹបបិសាចក្រហម Man United នៅតែបន្តចង់បាន កីឡាករគោលដៅរបស់ Haaland ប៉ុន្តែមកដល់ថ្ងៃអាទិត្យនេះ មានរបាយការណ៍ នៅអ៊ីតាលី បែរជាបានអះអាងថា កីឡាករវ័យក្មេងរូបនេះ បានយល់ព្រមរួចរាល់ហើយ ជាពាក្យសម្តីជាមួយនឹងក្លឹប Juventus ក្នុងលក្ខណ្ឌ ដែលគេទទួលបាន ៦,៨លានផោន ក្នុងមួយឆ្នាំ។
ដំណឹងនេះ កំពុងបានធ្វើឲ្យបិសាចក្រហម Man United មានការភ្ញាក់ផ្អើលយ៉ាងខ្លាំង ទោះបីជាបានខំប្រឹងប្រែង អស់រយៈពេលជាយូរមកហើយ ដើម្បីចចារជាមួយនឹង កីឡាកររូបនេះផង ក្លឹបផង និងឪពុករបស់កីឡាករផង ប៉ុន្តែចុងក្រោយ បានត្រឹមបរាជ័យ បែបនេះទៅវិញ។
Haaland គឺជាកីឡាករគោលដៅ ដ៏មានសក្តានុពលមួយ សម្រាប់ក្លឹបជាច្រើន នៅអ៊ឺរ៉ុប ក្រោយការបង្ហាញខ្លួន បាន២២ដង ឲ្យក្លឹប Red Bull Salzburg នៅរដូវកាលនេះ និងអាចរកគ្រាប់បាល់បាន ទៅដល់២៨គ្រាប់ម្នាក់ឯង ក្នុងនោះមាន៨គ្រាប់ផង ក្នុងវគ្គជម្រុះ Champion League៕ប្រែសម្រួល:ស៊ុនលី
