The Sunsports ចេញផ្សាយនៅ ថ្ងៃព្រហស្បតិ៍ទី២ខែមករានេះ បានសរសេរថាភ្នាក់ងារ របស់កីឡាករ Gedson Fernandes ត្រូវបានគេជឿជាក់ថា កំពុងធ្វើការងារយ៉ាងមមាញឹកមួយ នៅក្នុងប្រទេសអង់គ្លេស ធ្វើយ៉ាងណាផ្ទេរកីឡាករ តម្លៃ៣៤លានផោនរូបនេះ ឲ្យបានក្នុងពេលឆាប់បំផុត ។
កីឡាករខ្សែបម្រើសញ្ជាតិ ប៉ទុយហ្គាល់វ័យ២០ឆ្នាំរូបនេះ គឺជាកីឡាករគោលដៅម្នាក់ផងដែរ សម្រាប់ក្លឹបបិសាចក្រហម Man United និងកំពុងមានភាពល្អក់កករ ជាមួយនឹងក្លឹបបច្ចុប្បន្ន របស់ខ្លួនគឺ Benfica ជាពិសេសគ្រូបង្វឹកលោក Bruno Lage ផងដែរទៅលើបញ្ហាពាក់ព័ន្ធ នឹងការចចារផ្ទេរចេញ ពីក្លឹបតាំងតែពីខែធ្នូមកម្ល៉េះ ។
យោងតាមរបាយការណ៍ ដ៏ច្បាស់លាស់ នៅអង់គ្លេសបានបញ្ជាក់ថា ភ្នាក់ងារកីឡាករដែលមានឈ្មោះថាលោក Pini Zahavi កំពុងមានវត្តមាននៅក្នុងប្រទេសអង់គ្លេស ហើយជឿជាក់ដែរថាមិនមែន មានកិច្ចប្រជុំតែជាមួយនឹង Man United នោះទេគឺមានក្លឹប អង់គ្លេសផ្សេងទៀតផងដែរ ហើយជាក់ស្តែងក្លឹបផ្សេងទៀត នៅអ៊ឺរ៉ុបដូចជា AC Milan និង Lyon សុទ្ធតែមានបំណងចង់បាន Fernandes ដូចគ្នា៕
ប្រែសម្រួល:ស៊ុនលី
