The Sunsports ចេញផ្សាយនៅថ្ងៃសុក្រទី ៣ ខែមករានេះ បានឲ្យដឹងថាកីឡាករ ខ្សែបម្រើឆ្នើមវ័យចំណាស់ សញ្ជាតិប្រេស៊ីល Fernandinho នឹងអាចទទួលបាននូវរង្វាន់ លើកទឹកចិត្តថ្មីមួយ ពីសំណាក់ក្លឹប Man City ដែលវាគឺជាកុងត្រាថ្មី ដែលមានសុពលភាព រយៈពេល១ឆ្នាំទៀត។
ប្រភពដដែលបានសរសេរទៀតថា ជាក់ស្តែងកីឡាកររូបនេះ នៅសល់កុងត្រាចាស់ តែប៉ុន្មានខែទៀតប៉ុណ្ណោះ ហើយនឹងអាចចាប់ផ្តើមចចារ ជាមួយនឹងក្លឹបថ្មីណាមួយ បានហើយក្នុងរយៈពេលនេះ ប៉ុន្តែកុងត្រាថ្មីបានត្រៀមរួចរាល់ហើយ នៅលើតុទុកឲ្យ Fernandinho ចុះហត្ថលេខា។
Fernandinho មានវត្តមាននៅជាមួយនឹង Man City នេះអស់រយៈពេល ៨ រដូវកាលមកហើយ ហើយកីឡាករវ័យ៣៤ឆ្នាំរូបនេះ បានក្លាយទៅជាកូនសោរ ដ៏សំខាន់សម្រាប់លោកPep Guardiola ក្នុងការលើកពានរង្វាន់ជាច្រើននាពេលកន្លងមក៕
ប្រែសម្រួល:ស៊ុនលី
