ក្នុងសប្តាហ៍នេះចាប់ផ្តើមមានការចេញផ្សាយ ជាច្រើនបញ្ជាក់ថាក្លឹបញញួរធំ West Ham United កំពុងត្រៀមខ្លួនក្នុងការដេញថ្លៃជាផ្លូវការ ដើម្បីចុះហត្ថលេខាជាមួយ ខ្សែប្រយុទ្ធប្រេស៊ីល Gabriel Barbosa ដែលកំពុងឡើងជើងខ្លាំង ជាមួយនឹងក្លឹបប្រេស៊ីល Flamengo។
ទោះយ៉ាងណា West Ham គឺនឹងអាចប្រឈមមុខ ទៅនឹងការប្រកួតប្រជែង ពីសំណាក់ក្លឹប Flamengo ជាកន្លែងដែលគាត់ចំណាយ ពេលពេញមួយឆ្នាំ ២០១៩ ក្នុងលក្ខណ្ឌខ្ចីជើង ពីក្លឹប Inter Milan ផងនិងក៏ដូចជា គូប្រជែងនៅ Premier League ដូចជា Chelsea និង Crystal Palaceផង ។
ជឿជាក់ទៀតថា West Ham មានផែនការរួចជាស្រេច ហើយក្នុងការផ្តល់ប្រាក់ចំនួនប្រមាណជា ១៧ លានផោន ឬ២៣ លានដុល្លារអាមេរិក ដើម្បីធានាដល់កីឡាករវ័យ ២៣ ឆ្នាំរូបនេះ ក្នុងកិច្ចសន្យារយៈពេលវែងមួយ៕
ប្រែសម្រួល:ស៊ុនលី
