ស្រុកមោងឫស្សី ៖លោកគង់ កៃដូ ជំនួយការលោក ស សុខា រដ្ឋលេខាធិការក្រសួងអប់រំ យុវជន និងកីឡា និងជាប្រធានក្រុមការងារថ្នាក់ជាតិ ចុះជួយមូលដ្ឋានឃុំជ្រៃ អញ្ជើញចូលរួមក្នុងពិធី រត់ម៉ារ៉ាតុងស្រុកយើង នៅវិទ្យាល័យមោងឫស្សី ស្រុកមោងឫស្សី ខេត្តបាត់ដំបងនាថ្ងៃទី៤ ខែមករា ឆ្នាំ២០២០។
ចំពោះព្រឹត្តិការណ៍ការ រត់ម៉ារ៉ាតុនមានកីឡាករ-កីឡាការិនី ចូលរួមចំនួន ១០០០នាក់ ក្នុងនោះមានកីឡាករវ័យចាស់ ២០០នាក់ យុវជន ៦០០នាក់ កុមារ២០០នាក់។ ការរត់កីឡាម៉ារ៉ាតុននេះធ្វើឡើង អបអរសាទរទិវាជ័យជម្នះ៧ មករាខួបលើកទី៤១។
សម្រាបពានរង្វាន់៖ លេខ១ទទួលបានពាន១ ទង់ជ័យលាភី១ ប្រាក់រង្វាន់ ៤០ម៉ឺនរៀល លេខ២ទង់ជ័យលាភី១ ប្រាក់រង្វាន់ ៣០ម៉ឺនរៀល លេខ៣ ទង់ជ័យលាភី១ ប្រាក់រង្វាន់ ២០ម៉ឺនរៀល និងឧបត្ថម្ភគណៈកម្មការរៀបចំ ៨០ម៉ឺនរៀល៕ ដោយ៖លី ភីលីព
