កាសែតអង់គ្លេស The Sunsportsនៅថ្ងៃសៅរ៍ទី៤ខែមករានេះ បានឲ្យដឹងថាក្លឹប ជើងឯកអ៊ីតាលី នៅតែមិនទាន់លប់ចោលបំណង ចង់បានកីឡាករបារាំង Paul Pogbaឡើយដោយលើកនេះ ខ្លួនបានត្រៀមកីឡាករ Adrien Rabiotព្រមជាមួយនឹង លុយសុទ្ធមួយចំនួនផង សុំចចារជាមួយនឹង Man United។
Juventusមកលើកនេះនឹងហ៊ានចាយសរុប ជាប្រាក់ប្រមាណជា៨៥លានផោន សម្រាប់ Pogba គឺមានន័យថា Rabiotដែលមានតម្លៃ៦០លានផោន និងលុយសុទ្ធ ២៥លានផោនគឺត្រៀមលើតុរួចជាស្រេច សម្រាប់ឲ្យលោក Ole Solskjareនិងប្រធានក្លឹប Ed Woodward ក្នុងការសម្រេចចិត្ត។
កន្លងមកបិសាចក្រហម Man United ក៏ធ្លាប់មានបំណងចង់បានកីឡាករបារាំង Rabiotវ័យ២៤ឆ្នាំរូបនេះដែរ កាលពីគ្រាដែលរូបគេចាកចេញពី PSGដោយមិនមាន តម្លៃខ្លួន ប៉ុន្តែការស្នាក់នៅជាមួយនឹង PSGកីឡាកររូបនេះហាក់មិនសូវទទួល បានលទ្ធផលល្អឡើយ៕
ប្រែសម្រួល:ស៊ុនលី
